Ulul-əzm (ərəb. أولو العزم) — Quranda bəzi peyğəmbərlər üçün istifadə edilmiş adlanma.
Etimologiya
Ulul-əzmin lüğəvi mənası "səbirli", "əzmli" və "israrlı" deməkdir.
Ulul-əzm peyğəmbərlərin xüsusiyyətləri
- İlahi mesajı mükəmməl şəkildə (ölümləri bahasına da olsa) ən güclü və ən qəddar şəxslərə çatdırmaq,
- Çağışır etdikləri şəxslərin əziyyətlərinə dözüb, onların arasında qalaraq missiyaları davam etdirmək,
- Çağırış etdikləri cəmiyyətlərə qarğış etməmək,
- Müsibət və əzablara səbr etmək,
- İlahi missiyanı və ibadətləri tam şəkildə yerinə yetirmək,
- Öz nəfsani istəklərinə ram olmamaq.
Ulul-əzm Quranda
Quranda ulul-əzm adlandırılan peyğəmbərlər 5 nəfərdir:
- Nuh,
- İbrahim,
- Musa,
- İsa,
- Məhəmməd peyğəmbər.
Quranda ulul-əzm peyğəmbərin adlarının açıq şəkildə qeyd olunduğu ayələr bunlardır:
- Şura surəsinin 13-cü ayəsi:
| (Ya Peyğəmbər!) Allah: "Dini doğru-dürüst tutun (qoruyub saxlayın), onda ayrılığa düşməyin!" - deyə Nuha tövsiyə etdiyini, sənə vəhy buyurduğunu, İbrahimə, Musaya, və İsaya tövsiyə etdiyini dində sizin üçün də qanuni etdi. Sənin dəvət etdiyin (tövhid dini) müşriklərə ağır gəldi. Allah istədiyi kimsəni özünə (peyğəmbər) seçər və tövbə edib Ona tərəf qayıdan kimsəni də doğru yola yönəldər! |
- Əhzab surəsinin 7-ci ayəsi:
| Xatırla ki, Biz bir zaman peyğəmbərlərdən əhd almışdıq: səndən də, Nuhdan da, İbrahimdən də, Musadan da, Məryəm oğlu İsadan da! |
vikipedia, viki, ensiklopediya, kitab, məqalə, oxumaq, pulsuz yüklə, Ulul-əzm peyğəmbər haqqında məlumat. Ulul-əzm peyğəmbər nədir? Ulul-əzm peyğəmbər nə deməkdir?