Muxtar Hacı oğlu Hacıyev (dekabr 1876, Fərəhli, Qazax qəzası – 21 aprel 1938, Bakı) — Azərbaycan və sovet dövlət xadimi, Azərbaycan SSR Mərkəzi İcraiyyə Komitəs

Muxtar Hacıyev
Muxtar Hacıyev
Azərbaycan SSR Ali Məhkəməsinin sədri
	29 yanvar 1932 – 1933
Əvvəlki	Seyidcəfər Yaqubov
Azərbaycan SSR xalq torpaq komissarı
	i. e. 1928 – 1930
Azərbaycan SSR xalq ictimai təminat komissarı
	1927 – 1928
Əvvəlki	Məmməd Məmmədyarov
Azərbaycan SSR Mərkəzi İcraiyyə Komitəsinin sədri
	19 may 1921 – 6 may 1922
Əvvəlki	vəzifə təsis edilib
Sonrakı	Səməd ağa Ağamalıoğlu
Şəxsi məlumatlar
Doğum tarixi	dekabr 1876
Doğum yeri	Fərəhli, Qazax qəzası, Yelizavetpol quberniyası, Rusiya imperiyası;
Vəfat tarixi	21 aprel 1938 (61 yaşında)
Vəfat yeri	Bakı, Azərbaycan SSR, SSRİ;
Partiya	Ümumittifaq Kommunist (bolşeviklər) Partiyası (1917–1937),; Rusiya Sosial-Demokrat Fəhlə (bolşeviklər) Partiyası (1904–1917),; Hümmət Partiyası;
Fəaliyyəti	siyasətçi
Təltifləri

Muxtar Hacı oğlu Hacıyev (dekabr 1876, Fərəhli, Qazax qəzası – 21 aprel 1938, Bakı) — Azərbaycan və sovet dövlət xadimi, Azərbaycan SSR Mərkəzi İcraiyyə Komitəsinin ilk sədri (1921–1922).

Həyatı

Muxtar Hacıyev 1876-cı ildə Qazax qəzasının Fərəhli kəndində doğulmuşdur. 1897-ci ildən Bakıda fəhlə işləmişdir.

Repressiya qurbanı olmuşdur. 1938-ci ildə güllələnmişdir.

Siyasi fəaliyyəti

Muxtar Hacıyev Hümmət Partiyasının üzvü, 1904-cü ildən etibarən isə Sovet İttifaqı Kommunist Partiyasının üzvü olmuşdur.

Muxtar Hacıyev Bakıda fəhləlik etdiyi dövrdə keçirilmiş fəhlələrin nümayiş və tətillərində iştirak etmişdir. O, Neft Sənayesi Fəhlələri İttifaqı və Mədən Zavod Komitəsinin üzvü olmuşdur.

Muxtar Hacıyev 1908–1916-cı ildən Bakının sənaye rayonlarında və Qazax qəzasında sosial-demokrat və bolşevizm təbliğatı aparmışdır. 1917-ci ildə Qazax qəzasında kəndli hərəkatına dəstək vermiş və qəzada Hümmət Partiyasının yerli şöbəsinin yaradıcılarından olmuşdur.

Muxtar Hacıyev 1920–1921-ci illərdə Qazax Qəza İnqilab Komitəsinin sədri olmuşdur. 1921-ci ildə keçirilmiş Birinci Ümumazərbaycan Sovetlər qurultayında Azərbaycan SSR Mərkəzi İcraiyyə Komitəsinin sədri seçilmişdir. O, bu vəzifədə 1922-ci ilədək çalışmış, 1922–1926-cı illərdə Azərbaycan SSR Xalq Torpaq Komissarlığının kollegiya üzvü olmuşdur. 1927-ci ildə Azərbaycan SSR xalq ictimai təminat komissarı təyin edilmiş, 1928–1930-cu illərdə Azərbaycan SSR xalq torpaq komissarı vəzifəsini icra etmişdir. 1932–1933-cü illərdə isə Azərbaycan SSR Ali Məhkəməsinin sədri vəzifəsində işləmişdir.

Muxtar Hacıyev Azərbaycan Kommunist Partiyası Mərkəzi Nəzarət Komitəsinin üzvü , Zaqafqaziya SFSR Mərkəzi İcraiyyə Komitəsinin, Azərbaycan SSR Mərkəzi İcraiyyə Komitəsinin və rəyasət heyətlərinin üzvü olmuşdur. Azərbaycan Qızıl Aypara Cəmiyyətinə sədrlik etmişdir. Muxtar Hacıyevin həyat yoldaşı Söylü xanım da repressiya qurbanı olmuş və Qazaxıstana sürgün edilmişdir. Muxtar Hacıyevin 4 qızı, 1 oğlu olub: Tükəzban, Azadə, Gülgəz,Cəvahir və Kamran. Qızı Gülgəz Emin ağa Acalovun oğlu ilə ailəli olub və Namiq adlı oğulları olub bu evlilikdən.

Mükafatları

Muxtar Hacıyev Azərbaycan SSR-in "Qırmızı əmək bayrağı" ordeni ilə təltif olunmuşdur.