Orta Qərvənd — Azərbaycan Respublikasının Ağdam rayonunun Qərvənd kənd inzibati ərazi dairəsində kənd.

Sovet İttifaqından əvvəl bu kənd Qərvənd bəyliyinin (Kəkilbəylilər) bir hissəsi olub.

Sovet İttifqaqı dönəmində Orta Qərvənd kəndi Ağdamın Qərvənd sovetliyinə aid edilib və Agdam ərazisində ən böyük kolxoz olan Lenin adına Kolxozun ərazisinə daxil olub.

Birinci Qarabağ müharibəsi ərazində kəndi bir hissəsi işğal olunsa da, uzunmüddətli silahlı atışmalardan sonra 2005-ci ildə Ermənistan Silahlı Qüvvələri bu kəndi tərk edib, arxasındakı əkin sahəsini və Şıxlar kəndini tamamilə məhv edərək, Baş Qənvənddə mövqe qurular.

1994-cü ildən sonra Kənd Dağlıq Qarabağ təmas xəttinə yaxın yerləşdiyindən erməni əsgərləri buranı tez-tez atəşə tutur.

2011-ci il martın 8-də Ağdamın işğal olunmuş Şıxlar kəndi istiqamətində erməni snayperi Orta Qərvənd kənd sakini, doqquz yaşlı azərbaycanlı Fariz Bədəlova atəş açıb. Uşaq başından yaralanıb və xəstəxanaya aparılarkən vəfat edib.

20.11.2020-ci il tarixində Qarabağ Atəşkəs Bəyanatına uyğun olaraq Orta Qərvənd yaxınlığındakı təmas xətti ləğv edilib və kəndin əkin sahəsi Azərbaycan Silahlı Qüvvələrinin nəzarətinə qaytarılıb.