Bazarçay və ya Bərgüşad (Ermənistan ərazisində Vorotan adlanır) — Qafqazda çay. Ermənistandan və Azərbaycanın Qubadlı rayonundan keçir.

Bazarçay və ya Bərgüşad (Ermənistan ərazisində Vorotan adlanır) — Qafqazda çay. Ermənistandan və Azərbaycanın Qubadlı rayonundan keçir.

Bazarçay
Bərgüşad
Ölkələr	Azərbaycan  Ermənistan
Rayon	Qubadlı
Mənbəyi	Zalxa gölü, Ərikli dağı
• Yüksəkliyi	3040 m
Mənsəbi	Həkəri
• Yüksəkliyi	270 m
Uzunluğu	178 km
Su sərfi	19 m³/san
Su sistemi	Araz
Su hövzəsi	Xəzər dənizi
Hövzəsinin sahəsi	2711 km²
mənbəyi mənsəbi Bazarçay Qafqazın fiziki xəritəsində: 39°51′ şm. e. 45°51′ ş. u.HGYO 39°12′ şm. e. 46°43′ ş. u.HGYO
Vikianbarda əlaqəli mediafayllar

Uzunluğu 178 km, hövzəsinin sahəsi 2711 km²-dir. Başlanğıcını Zəngəzur silsiləsinin şimal yamacından, 3040 m yüksəklikdə yerləşən Zalxa gölündən götürür. Həkəriçaya qovuşandan sonra nisbətən düzənlik sahə ilə axaraq bir sıra qollara ayrılır. İllik axımını yeraltı (55%), qar (35%) və yağış (10%) suları təşkil edir. Yaz-yay aylarında qar suları çayda daşqın əmələ gətirir.

Orta illik su sərfi 19,0 m³/san-dir. Bunun 45%-i yazda, 25%-i yayda, 18%-i payızda, 12%-i isə qışda keçir. Orta illik asılı gətirmələr sərfi 3,63 kq/san, lillənməsi isə 200 q/m³-dir.

Suvarmada istifadə edilir.

Bərgüşadçayın mənbəyi Ərikli dağlarından başlanır. O, Urud kəndinə qədər Bazarçay adlanır. Dəli çay, Şəki çayı, Sisyançay, Taxtakörpü çayı, Daşlı dərə çayı, Bəxtiyarlı çayı, Ağa çayı adlı qolları var. Bərgüşad çayı Qaralar kəndi yaxınlığında Həkəri çayı ilə birləşib Araza tökülür.

Çayda su anbarları tikilib, Vorotan kaskadının üç su elektrik stansiyası işləyir. Gölün səviyyəsini yüksəltmək üçün suyun Vorotandan Sevana daşınması üçün 22 kilometrlik tunel tikilib. Vorotanın mənbəyi Ermənistandan kənarda, Azərbaycanın Kəlbəcər rayonunda yerləşir. Bəzi erməni ekspertlər Azərbaycanın bu ərazilərə nəzarəti bərpa etməsi ilə Ermənistanın su ehtiyatlarının 80%-nə nəzarət etməsindən narahatdırlar ki, bu da Ermənistana təzyiq göstərmək üçün istifadə oluna bilər.