Freska —Təzə mala üzərində sulu boya ilə çəkilmiş şəkil, rəsm, naxış. Freska divar rəsmlərinin əsas texnikasıdır. Monumentalist rəssamlar tərəfindən icra olunur

Freska —Təzə mala üzərində sulu boya ilə çəkilmiş şəkil, rəsm, naxış. Freska divar rəsmlərinin əsas texnikasıdır. Monumentalist rəssamlar tərəfindən icra olunur.

Freska sənəti qədim zamanlardan məlumdur. Onun ən qədim nümayələri Egey mədəniyyətində, xüsusilə Krit adasında və Santorini adasında tapılmışdır. Bu freskalar eramızdan əvvəl II minilliyə aiddir. Qədim Misirdə də tavan rəsmləri geniş yayılmışdı.

Antik Roma dövründə freska sənəti yüksək inkişaf mərhələsinə çatdı. Pompey şəhərində aşkar olunan divar rəsmləri bu dövrün ən parlaq nümunələrindəndir. Orta əsrlərdə isə freska sənəti əsasən kilsələrdə və monastırlarda dini səhnələrin təsvirində istifadə olunurdu.

İntibah dövründə freska sənəti özünün zirvə nöqtəsinə çatdı. İtaliyanın məşhur rəssamları Cotto di Bondone, Sandro Botticelli, Rafael və Mikelancelo bu texnikanı geniş tətbiq etmişlər. Mikelancelonun Vatikan şəhərində yerləşən Sikstin kapellasının tavan freskaları bu sənətin ən məşhur nümuənələrindəndir.

Texnika və növləri

Freska texnikası iki əsas üsulla icra olunur:

Buon Fresco – yaş freska:

Bu üsulda rəsmlər hələ yaş olan suvaq qatına çəkilir. Sement və əhəng qarışığından ibarət olan suvaq quruyarkən boya ilə kimyəvi reaksiyaya girir və nəticədə rənglər uzun illər dəyişməz qalır.

Fresco a Secco – quru freska

Bu texnika quru suvaq səthinə boya ilə işlənir. Lakin bu üsulda rəsmlərin davamlılığı daha az olur və tez-tez bərpa işlərinə ehtiyac yaranır.