Kənd keçmişdə Qəbələ şəhərinin 3 km.-liyindəki Şıx Taci qəbristanlığının yanında yerləşirdi. Çökək yerdə, həm də çay ağzında olduğuna görə əhali indiki yerə köç

Zarağan
Zarağan
	40°55′57″ şm. e. 47°48′04″ ş. u.HGYO
Ölkə	Azərbaycan;
Tarixi və coğrafiyası
Saat qurşağı	UTC+04:00;
	Xəritəni göstər/gizlə Zarağan

Zarağan — Azərbaycan Respublikasının Qəbələ rayonunun Zarağan kənd inzibati ərazi dairəsində kənd.

Toponimikası

Kənd keçmişdə Qəbələ şəhərinin 3 km.-liyindəki Şıx Taci qəbristanlığının yanında yerləşirdi. Çökək yerdə, həm də çay ağzında olduğuna görə əhali indiki yerə köçüb, burada məskunlaşmışdır. Kəndin adı ərazidəki sarağan (vəlgə də adlanır) ağacının bolluğu ilə əlaqədardır. Həmin ağacın yarpağından keçmişdə dəri aşılamaq, özəyindən isə sarı boya almaq üçün istifadə olunurdu. Ərazidə Sarağan meşəsi də var.

Coğrafiyası və iqlimi

Zarağan kəndi rayon mərkəzindən 7 kilometr cənub qərbdə, Dəmiraparançayın sahilində, Alazan–Həftəran vadisində yerləşir.

Əhalisi

2009-cu ilin siyahıyaalınmasına əsasən kənddə 2804 nəfər əhali yaşayır.

Tanınmış şəxsləri

Elman Məmmədov (1948) — Kimya elmləri doktoru, professor.

İqtisadiyyatı

Kəndin üç yolun ayrıcında (Qəbələ–Bakı, Qəbələ–Ağdaş və Qəbələ–Oğuz) yerləşməsi, şəhərə yaxınlığı səbəbindən burada iri ticarət obyektləri mövcuddur. Kənddə mavi yanacaqdan istifadə edilir.

Mədəniyyəti

Kənddə kitabxana və ATS mövcuddur.

Təhsili

Kənddə 1 uşaq bağçası və 600 şagirdlik 1 №-li və 370 şagirdlik 2 №-li tam orta məktəb fəaliyyət göstərir.

Səhiyyə

Kənddə tibb məntəqəsi mövcuddur.