Yavər Əliyev (27 iyun 1956, Bakı – 29 fevral 1992, Novxanı, Abşeron rayonu) — Azərbaycanın Milli Qəhrəmanı, Birinci Qarabağ müharibəsi şəhidi.

Yavər Əliyev
Yavər Əliyev
	Yavər Yaqub oğlu Əliyev
Şəxsi məlumatlar
Doğum tarixi	27 iyun 1956
Doğum yeri	Bakı şəhəri, Azərbaycan Respublikası
Vəfat tarixi	29 fevral 1992 (35 yaşında)
Vəfat yeri	Qarabağ, Azərbaycan Respublikası
Vəfat səbəbi	Şəhid
Dəfn yeri	Bakı,Şəhidlər Xiyabanı
Vətəndaşlığı	SSRİ→; Azərbaycan
Hərbi fəaliyyəti
Rütbəsi	Kapitan
Döyüşlər	Birinci Qarabağ müharibəsi;
Təltifləri	;
	Vikianbarda əlaqəli mediafayllar

Yavər Əliyev (27 iyun 1956, Bakı – 29 fevral 1992, Novxanı, Abşeron rayonu) — Azərbaycanın Milli Qəhrəmanı, Birinci Qarabağ müharibəsi şəhidi.

Həyatı

Yavər Əliyev 27 iyun 1956-cı ildə Bakı şəhərində, Azərbaycan SSR-də neftçi ailəsində anadan olub. Pirallahı adasında 235 saylı orta məktəbdə təhsil başa çatdıqdan sonra Kremençuq Mülki aviasiya uçuş məktəbinə daxil olmuş və 1977-ci ildə həmin məktəbi müvəffəqiyyətlə bitirmişdir. Yavər pilot fəaliyyətinə 1977-ci ildə Zabrat aviabirliyində başlamışdır. Əliyev Mi-2 helikopterinin pilotu, daha sonra Mi-8 helikopterinin ikinci dərəcəli pilotu kimi xidmət edib, sonradan həmin helikopterin komandiri olub. Yüksək peşəkarlıq və müsbət şəxsi keyfiyyətlərinə görə, Zabrat Aviasiya dəstəsinin uçuş heyətinin komandiri təyin edildi.

Öz təşkilati və döyüş qabiliyyətinə, yüksək peşəkar hazırlığına görə Yavər Əliyev hərbi helikopterlərin birinci eskadrilyasının komandiri təyin edilib. O, qısa müddət ərzində eskadrilyaya ən yaxşı Mülki Aviasiya pilotlarını cəlb etməklə vahid və döyüş kollektivini topladı. Zakir Yusifov, Zakir Məcidov, Xanlar Səttarov, Firuz Cəlilov, Faiq Məmmədov və başqaları Azərbaycanın hərbi aviasiyasının tezliklə formalaşması üçün fədakarcasına çalışmışlar.

Döyüşlərdə iştirakı

1990-cı illərin əvvəllərində Birinci Qarabağ müharibəsi zamanı Yavər Əliyevin rəhbərliyi altında uçuş heyəti dağlıq rayonların əhalisinin təxliyyəsində, [Ağdam] və [Şuşa] kəndləri arasında hava körpüsünün yaradılmasında iştirak etmiş, döyüş uçuşları da həyata keçirmişdir. Yavər Əliyev Qarabağda Mi-24 helikopterində bir neçə döyüş uçuşu yerinə yetirib, düşmənin mövqelərinə aşağı hündürlükdən zərbələr endirib. Dağlıq Qarabağda növbəti döyüş tapşırığını yerinə yetirərkən Yavər Əliyev 29 fevral 1992-ci ildə vəfat edib.

Ailəsi

Ailəli idi. İki övladı atasının peşə yolunu davam etdirir.

Xatirəsi

Azərbaycan Respublikası prezidentinin 14 sentyabr 1992-ci il tarixli 204 saylı fərmanı ilə Əliyev Yavər Yaqub oğluna ölümündən sonra "Azərbaycanın Milli Qəhrəmanı" adına layiq görülmüşdür.

Bakı şəhərinin Şəhidlər xiyabanında dəfn edilmişdir.

Pirallahı adasında oxuduğu 235 №-li tam orta məktəb onun adını daşıyır. Sabunçu rayonu Ramana kəndində, Xətai rayonu UPD qəsəbəsi ərazisində küçələr onun adını daşıyır.

Ədəbiyyat

Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 91.