Xındırıstan bələdiyyəsi — Azərbaycan Respublikasının Ağdam rayonunda 1999-cu ildən fəaliyyət göstərən bələdiyyə.

07.12.1999-cu il tarxili 771-IQ nömrəli Qanunun ilkin redaksiyasının "Ağdam rayonu" bölməsində nəzərdə tutulmuş 8 bələdiyyədən biri "Ağdam rayonunun Xındırıstan bələdiyyəsi" olub.

12.10.2000-ci il tarixli 10 nömrəli Protokolunda təsbit edilmiş Qərarı ilə Bələdiyyənin ilk Nizamnaməsi qəbul edilib, həmin Nizamnamə 22.08.2024-cü il tarixli 09 nömrəli Protokolunda təsbit edilmiş 3-cü Qərarı ilə ləğv edilib.

18.04.2000-ci il tarixli 864-IQ nömrəli Qanunla təsdiq edilmiş “Azərbaycan Respublikasında yerli özünüidarəetmə üzrə Əlaqələndirmə Şuraları haqqında” Əsasnaməyə uyğun olaraq Quzanlı qəsəbəsində yaradılmış "Ağdam Bələdiyyələrinin Əlaqələndirmə Şurası"nın üzvülüyünə qəbul edilib.

03.05.2005-ci il tarixli 903-IIQ nömrəli Qanunla təsdiq edilmiş "Bələdiyyələrin regional assosiasiyalarının Nümunəvi Əsasnaməsi"nə uyğun olaraq, Bələdiyyə Azərbaycan Kənd Bələdiyyələrinin Milli Assosiasiyasının üzvü olmuşdur.

2003 - 2020-ci illərdə "Bələdiyyələrin fəaliyyətinə inzibati nəzarət haqqında" Qanuna əsasən Bələdiyyə üzərində inzibari nəzarəti Ədliyyə Nazirliyi, özünün Bələdiyyələrlə iş mərkəzi (Bələdiyyələrlə iş baş idarəsi) və Bərdə Regional Ədliyyə İdarəsi vasitəsi ilə həyata keçirib.

01.04.2008-ci il tarixli 587-IIIQD nömrəli Qanunun 2-ci hissəsində "Azərbaycan Respublikasında bələdiyyələrin Siyahısı"nin "2. Ağdam rayonu bölməsində: "3) 6-cı sırada "Xındırıstan bələdiyyəsi" sözlərinin qarşısındakı "və Sarıçoban kəndləri" sözləri ", Sarıçoban kəndləri və Qasımbəyli qəsəbəsi" sözləri ilə;" əvəz edilib.

2020-ci ildən "Bələdiyyələrin fəaliyyətinə inzibati nəzarət haqqında" Qanuna əsasən Bələdiyyə üzərində inzibari nəzarəti Ədliyyə Nazirliyi, özünün Bələdiyyələrlə iş baş idarəsi və Qarabağ Regional Ədliyyə İdarəsi vasitəsilə həyata keçirir.

22.08.2024-cü il tarixli 09 nömrəli Protokolunda təsbit edilmiş 1-ci Qərarı ilə Bələdiyyənin ikinci Nizamnaməsi qəbul edilib.

07.04.2025-ci il tarixındə Ağdam Bələdiyyələrinin Əlaqələndirmə Şurasının 1 nömrəli iclas Protokolunda təsbit edilmiş Qərara əsasən Ağdam rayonunun Xındırıstan bələdiyyəsinin sədri Şuranın sədri seçilib, Şura öz fəaliyyətini Xındırıstan kəndində davam edir.

Nizamnaməsinin 1.5-ci bəndinə əsasən Bələdiyyənin mərkəzi Ağdamın Xındırıstan kəndidir.

Bələdiyyənin ünvanı: Xındırıstan kəndi, Ağdam Rayon İcra hakimiyyətinin Xındırıstan kənd İƏD üzrə nümayəndəliyinin binası.

Bu Bələdiyyənin ərazisinə aşağıkılar aiddir:

Bələdiyyənin tam adı	VÖEN	Bələdiyyə ödəyiciləri üçün vergi kodu	Bələdiyyənin statistik kodu	Ərazisi (km²)	İnzibati ərazi dairəsinin adı	İƏD statistik kodu	İnzibati ərazi vahidinin adı	İƏV statistik kodu
Ağdam rayonunun Xındırıstan bələdiyyəsi	3200011451	3206	60921007	33,34	Xındırıstan kənd iəd	60921005	Xındırıstan kəndi	60921018
							Bəybabalar kəndi	60921098
							Birinci Yüzbaşılı kəndi	60921068
							İkinci Yüzbaşılı kəndi	60921078
							Baharlı kəndi	60921088
							Dadaşlı kəndi	60921048
							Kəlbəhüseynli kəndi	60921038
							Paşabəyli kəndi	60921058
							Sarıçoban kəndi	60921028
					Qasımbəyli qəsəbə iəd	60948005	Qasımbəyli qəsəbəsi	60948016

2024-cü il üçün bu Bələdiyyə öz gəlirlərinə görə Ağdamın ən zəngin bələdiyyəsi olub.

"Bələdiyyələrin fəaliyyətinə inzibati nəzarət haqqında" Qanuna əsasən Bələdiyyə üzərində inzibari nəzarəti Ədliyyə Nazirliyi, özünün Bələdiyyələrlə iş baş idarəsi və Qarabağ Regional Ədliyyə İdarəsi vasitəsilə həyata keçirir.

"Bələdiyyə qulluğu haqqında" Qanuna uyğun olaraq, Bələdiyyədə mühasib və digər bələdiyyə qulluqçuları fəaliyyət göstərir.

Bələdiyyə sədri barədə məlumatlar Bələdiyyələrlə İş Potalında dərc edilir.

Ağdam rayon icra hakimiyyətinin məlumatına əsasın 2025-ci il yanvar ayı üçün Bələdiyyə ərazisində 1706 ev təsərrüfatı fəaliyyət göstərməklə, 7018 nəfər yaşayır.