VII Karl (fr. Charles VII) və ya Müzəffər Karl (fr. Charles le Victorieux) (22 fevral 1403, Paris – 22 iyul 1461) — Fransa kralı.

VII Karl
VII Karl
	fr. Charles VII de France
Fransa kralı
	21 oktyabr 1422 – 22 iyul 1461
Əvvəlki	VI Karl
Sonrakı	XI Lüdovik
Şəxsi məlumatlar
Doğum tarixi	22 fevral 1403
Doğum yeri	Paris, Fransa krallığı;
Vəfat tarixi	22 iyul 1461 (58 yaşında)
Dəfn yeri	Sen-Deni bazilikası;
Atası	VI Şarl
Anası	Bavariyalı İzabel
Uşaqları	XI Lüdovik,; Valualı Yolanda;
Monoqram
	Vikianbarda əlaqəli mediafayllar

VII Karl (fr. Charles VII) və ya Müzəffər Karl (fr. Charles le Victorieux) (22 fevral 1403, Paris – 22 iyul 1461) — Fransa kralı.

Karl Yüzillik müharibənin ortasında Fransa üçün olduqca çətin bir dönəmdə taxta çıxdı. İngiltərə kralı və Burqundiya hersoqunun müttəfiq birlikləri paytaxt Paris və Fransa krallarının ənənəvi tacqoyma mərasimlərini keçirdiyi Reyms şəhəri də daxil olmaqla, bütün şimali Fransanı işğal etmişdi. Bundan başqa atası VI Karl 1420-ci ildə onu varislikdən çıxarmış, onun yerinə İngiltərə kralı V Henri və onun şəcərəsini Fransa taxtının varisi elan etmişdi. Digər tərəfdən ölkənin daxilində də yerli zadəganlar arasında siyasi mübarizə və silahlı çatışmalar davam edirdi.

Paytaxt ələ keçirildiyi üçün kral sarayı Luara çayı sahilindəki Burj şəhərinə köçürüldü və bu səbəblə onu Burj kralı adlandırdılar. Çünki Fransa kralının əlində Burj və onun ətrafındakı bəzi kiçik əyalətlər qalmışdı. Fransada Janna d'Arkın rəhbərlik etdiyi və ölkədəki yadellilərə qarşı tərtib olunan ayaqlanmayla Karlın iqtidar gücü daha da artdı. Yerli əhalinin də dəstəyini alaraq Luara çayı boyunca yerləşən bütün qalaları sırayla azad etməyə başladı. Yerli ingilis qoşunlarının məğlub edilməsinin ardından Reyms şəhərinin əhalisi kral qoşunlarına qapıları açdı və beləcə, 1429-cu ildə burada Karlın tacqoyma mərasimi baş tutdu. Bir neçə il sonra 1436-cı ildə bağlanan sazişlə İngiltərə-Burqundiya ittifaqı pozuldu və ertəsi il Paris şəhəri azad olundu. 1453-cü ildə fransızlar Kale bölgəsi istisna olmaqla, ingilisləri tamamilə ölkədən qovub çıxardılar.

Karlın son illəri üsyankar oğlu və gələcəkdəki Fransa kralı Lüdoviklə siyasi və hərbi mübarizə aparmaqla keçdi.