Deyilənlərə görə, Böyük Seyidlər kəndinin əsasını XII–XIII əsrlərdə Səudiyyə Ərəbistanın Hicaz bölgəsindən köçüb gəlmiş tərəkəmə–bədəvi ailələlərindən olan Seyi

Seyidlər — Azərbaycan Respublikasının Laçın rayonunun Pircahan kənd inzibati ərazi dairəsində kənd.

Seyidlər
39°42′21″ şm. e. 46°27′55″ ş. u.HGYO
Ölkə	Azərbaycan
Tarixi və coğrafiyası
Saat qurşağı	UTC+04:00
Xəritəni göstər/gizlə Seyidlər

Deyilənlərə görə, Böyük Seyidlər kəndinin əsasını XII–XIII əsrlərdə Səudiyyə Ərəbistanın Hicaz bölgəsindən köçüb gəlmiş tərəkəmə–bədəvi ailələlərindən olan Seyid Əli Xəlifənin soyu–şəcərəsi tərəfindən qoyulmuşdur. Zəngəzur və Qarabağ bölgəsinin ən ağır–kəramətli seyidlərindən biri kimi Seyid Əli Xəlifə bu kənddə dünyasını dəyişmiş, onun məzarı üstündə sərdabə tikilmiş və məşhur ziyarət ocağı kimi dini–irfanı məbədə çevrilmişdir. Onun nəsil şəcərəsindən olan "Seyid Hüseyn ocağı" da bu kəndin ziyarətgahı olmaqla, ibadət əhlinin üz tutduğu sakral məkanlardan biridir. "Güllü qəbir piri"-də (Qarabağın tanınan kəramət–irfan sahiblərindən olan Xudavəndə Xəlifənin nəvəsi Hacı İbrahim ağanın bu kənd qəbirstanlığındakı məzarı) müqəddəs yer kimi Böyük Seyidlər kəndinin ibadət ocağıdır. Böyük Seyidlər kəndinin sakral və maddi-tarixi abidələri sırasındakı nadir tikililərdən biri də XVII–XVIII əsrə aid Həkəri çayının sağ qolu olan Şəlvə çayı üzərindəki birtağlı "Seyidlər körpüsü"dür. Sakral–toponimik coğrafi məkan olan Böyük Seyidlər kəndinin dini–irfani soylarından Seyid İsmayıl Məşədi Məmi oğlunun (1828–1914) və Seyid Məşədi İmran Ağanın (1840–1932), Hacı Mirəziz ağanın (1867–1928) adları xüsusi ehtiramla çəkilir.