Sega Saturn — "Sega" tərəfindən 22 noyabr 1994-cü ildə Yaponiyada, 11 may 1995-ci ildə Şimali Amerikada, 8 iyul 1995-ci ildə isə Avropada satışa çıxarılan ev vi

Sega Saturn — "Sega" tərəfindən 22 noyabr 1994-cü ildə Yaponiyada, 11 may 1995-ci ildə Şimali Amerikada, 8 iyul 1995-ci ildə isə Avropada satışa çıxarılan ev videooyun konsolu. Bu, altıncı nəsil videooyun konsollarından altıncısı idi. Uğurlu Sega Genesis konsolunun davamçısı olan Sega Saturn konsolunda cüt-CPU arxitekturası və səkkiz prosessor var. Konsol üçün buraxılmış oyunlar CD-ROM formatındadır və aralarında orijinal oyunlara əlavə olaraq, bir neçə arkada portları da var.

Sega Saturn
İstehsalçı	Sega
Növü	Ev videooyun konsolu
Nəsil	Beşinci nəsil
Buraxılış tarixi	Siyahı 22 noyabr 1994 11 may 1995 8 iyul 1995
Satışda olması	1994–2000
İlkin qiymət	JP¥44,800 US$399 GB£399.99
Dayandırılma tarixi	Siyahı 1998 1998 2000
Satılıb	9.26 milyon
Media	CD-ROM, CD+G, CD+EG, Video CD, Mini CD, Photo CD, E-kitab
CPU	2× Hitachi SH-2 @ 28.6 MHz
Yaddaş	2 MB RAM, 1.5 MB VRAM, 512KB səs RAM, Geniş RAM kartrici ilə genişləndirilə bilər
Saxlama sahəsi	Daxili RAM, kartric
Qrafikalar	VDP1 & VDP2 video display processors
Səs	Yamaha YMF292
Onlayn servislər	Sega NetLink
Sələfi	Sega Genesis
Davamçı	Dreamcast
Vikianbarda əlaqəli mediafayllar

Sega Saturn konsolunun istehsalına 1992-ci ildə start verilmişdir. Həmin il "Sega" şirkətinin yenilikçi "3D Model 1" arkada proqramı debüt etmişdir. Sistem Yaponiya elektronika şirkəti olan "Hitachi" tərəfindən istehsal olunmuş bir CPU əsasında dizayn edilmişdi. "Sega" 1994-cü ildə konsola yeni bir video displey prosessoru əlavə etmişdir ki, "Sony" şirkətinin qarşıdan gələn "PlayStation" konsolu ilə daha yaxşı rəqabət apara bilsin.

Sega Saturn ilk vaxtlarda Yaponiyada uğur əldə edə bilmiş, ancaq ABŞ-də gözlənilməz şəkildə plananan buraxılış tarixindən dörd ay əvvəl, 1995-ci ilin may ayında satışa çıxarılanda ölkə bazarında çox nüsxə satmağa nail ola bilməmişdir. Sega Saturn Nintendo 64 konsolunun 1996-cı ilin axırlarında debüt etməsindən sonra sürətlə ABŞ-dəki bazar səhmlərini itirməyə başlamış, 1998-ci ildə isə ölkədə satışdan qaldırılmışdır. Qlobal səviyyədə 9.26 nüsxə satmış Sega Saturn kommersiya baxımdan uğursuz hesab edilir. "Sega" şirkətinin "Sonic the Hedgehog" seriyasında oyun buraxmaqda uğursuz olan istehsal komandaları konsolun pis performansında önəmli bir amil hesab olunur.

Sega Saturn konsolunun "Nights into Dreams", "Panzer Dragoon" seriyası və "Virtua Fighter" seriyası kimi bir neçə yaxşı qarşılanan videooyunlarla xatırlansa da, onun hörməti mürəkkəb avadanlıq dizaynı və məhdud üçüncü partiya dəstəyinə görə qarışıq vəziyyətdədir. "Sega" şirkətinin idarəedici heyəti sistemin istehsalı və satışdan qaldırıldığı dövrlərdə aldığı qərarlara görə tənqid edilmişdir.