Raymon Klod Ferdinan Aron (fr. Raymond Claude Ferdinand Aron; 14 mart 1905[…], VI arondisman, Fransa – 17 oktyabr 1983[…], ‎IV arondisman, Fransa) — Fransa mütə

Raymon Aron
Raymon Aron
	fr. Raymond Claude Ferdinand Aron
Doğum adı	Raymond Claude Ferdinand Aron
Doğum tarixi	14 mart 1905[…]
Doğum yeri	VI arondisman, Fransa;
Vəfat tarixi	17 oktyabr 1983[…] (78 yaşında)
Vəfat yeri	‎IV arondisman, Fransa;
Vəfat səbəbi	ürək tutması
Dəfn yeri	Monparnas qəbiristanlığı[d];
Elm sahəsi	beynəlxalq münasibətlər
Elmi dərəcəsi	doktorluq dərəcəsi[d] (1938);
İş yerləri	De Frans Kolleci (1970–1978),; Siyasi Araşdırmalar İnstitutu,; Le Figaro (1947–1977),; Sorbonne Paris Universiteti (1955–1968),; Köln Universiteti (1930–1931),; Kombat (qəzet) (1946–1947),; Praktik Ali Elmlər Məktəbi (1955–1967);
Təhsili	Paris Ali Normal Məktəbi,; Siyasi Araşdırmalar İnstitutu,; Sorbonne Paris Universiteti;
Üzvlüyü	Amerika İncəsənət və Elmlər Akademiyası,; Əxlaqi və Siyasi Elmlər Akademiyası[d],; Amerika Fəlsəfə Cəmiyyəti[d] (1966);
Mükafatları	;
	Vikianbarda əlaqəli mediafayllar

Raymon Klod Ferdinan Aron (fr. Raymond Claude Ferdinand Aron; 14 mart 1905^[…], VI arondisman, Fransa – 17 oktyabr 1983^[…], ‎IV arondisman, Fransa) — Fransa mütəfəkkiri, tarixçi, sosioloq və siyasi şərhçi.

Həyatı

Raymon Aron 1930-cu ildə tarixin fəlsəfəsindən doktorluq dissertasiyası müdafiə etmiş və Tuluza Universitetində sosial fəlsəfə professoru işləmişdir. İkinci dünya müharibəsi başlayanda Aron Fransa hava qüvvələrinə qoşulmuş, Fransanın məğlubiyyətindən sonra General Şarl de Qollun Azad Fransa təşkilatına qatılaraq Londona mühacirət etmiş və Londonda təşkilatın La France Libre qəzetinin baş redaktoru kimi çalışmışdır. Fransanın faşist işğalından azad edilməsindən sonra Parisə qayıdan Aron bir müddət Milli İdarəçilik Məktəbində professor işləmiş, 1955–1968-ci illərdə Sorbonna Universitetində sosiologiya professoru olmuş, 1970-ci ildən isə Collège de France’da dərs demişdir. Həm də aktiv jurnalist olan Aron nüfuzlu "Figaro" və "Ekspress" qəzetlərində köşə yazıları yazmışdır.

Aronun rasional humanizmi Fransa isteblişmentində Jan Pol Sartrın marksist ekzistensializminə qarşı qoyulmuş, Aron özü isə Fransada konservator və sağların ideoloqu olmuşdur. O, öz əsərlərində dəfələrlə marksizmi və fransız solçularını tənqid etmişdir. Eyni zamanda Aron müharibə və sülh məsələləri ilə məşğul olmuş, prussiyalı hərbi nəzəriyyəçi Karl fon Klauzevitsin fikirləri üzərində araşdırmalar aparmışdır. Aronun xatirələri 1983-cü ildə işıq üzü görüb.

Başlıca əsərləri

Ziyalılar üçün tiryək (1955)
Əlcəzair faciəsi (1957)
Millətlər arasında sülh və hərb (1962)
Sosioloji fikirdə əsas axınlar (1967)
İmperial respublika: Birləşmiş Ştatlar və dünya, 1945–1972 (1973)