Rauf Vəliyev (Az. Vəliyev Rauf Göyüş oğlu) — "Azərbaycan Xəzər Dəniz Gəmiçiliyi" Qapalı Səhmdar Cəmiyyətinin sədri (2013-2026).

Rauf Vəliyev
Rauf Vəliyev
“Azərbaycan Xəzər Dəniz Gəmiçiliyi” Qapalı Səhmdar Cəmiyyətinin sədri
	22 oktyabr 2013 – 16 yanvar 2026
Prezident	İlham Əliyev
Əvvəlki	vəzifə təsis edilib.
Sonrakı	Əfqan Cəlilov
Şəxsi məlumatlar
Doğum tarixi	9 avqust 1965 (60 yaş)
Doğum yeri	Çərəkən, Cəbrayıl rayonu, Azərbaycan;
Partiya	Yeni Azərbaycan Partiyası
Təhsili	Azərbaycan Respublikasının Prezidenti yanında Dövlət İdarəçilik Akademiyası (–2004);
Təltifləri	;

Rauf Vəliyev (Az. Vəliyev Rauf Göyüş oğlu) — "Azərbaycan Xəzər Dəniz Gəmiçiliyi" Qapalı Səhmdar Cəmiyyətinin sədri (2013-2026).

Həyatı

Vəliyev Rauf Göyüş oğlu 1965-ci ildə Cəbrayıl rayonunun Çərəkən kəndində anadan olmuşdur. 1990-cı ildə Leninqrad Su Nəqliyyatı İstitutunu, 2004-cü ildə isə Azərbaycan Respublikası Prezidenti yanında Dövlət İdarəçilik Akademiyasını bitirmişdir.

1990–1997-ci illərdə "Xəzər Dəniz Neft Donanması" İdarəsinin idarəetmə aparatında mühəndis-konstruktor, gəmi tikintisi üzrə nəzarət qrupunun mühəndisi, qrup rəhbəri, İdarənin xarici əlaqələr şöbəsinin rəisi, 1997-ci ildən isə İdarə rəisinin xarici əlaqələr üzrə müavini vəzifələrində işləmişdir. 2006–2007-ci illərdə Azərbaycan Respublikası Dövlət Neft Şirkətinin aparatında Donanma ilə iş üzrə şöbə rəisi, 2007–2013-cü illərdə ARDNŞ-nin Baş ofisində Nəqliyyat İdarəsinin rəisi vəzifəsində çalışmışdır.

Azərbaycan Respublikası Prezidentinin 22 oktyabr 2013-cü il tarixli Sərəncamı ilə Rauf Göyüş oğlu Vəliyev "Azərbaycan Xəzər Dəniz Gəmiçiliyi" Qapalı Səhmdar Cəmiyyətinin sədri təyin edilmişdir. O, Azərbaycan Respublikası Prezidentinin 16 yanvar 2026-cı il tarixli Sərəncamı ilə vəzifəsindən azad edilib.

Yeni Azərbaycan Partiyasının üzvüdür.

Mükafatları

Azərbaycan Respublikası Prezidentinin 19 sentyabr 2011-ci il tarixli Sərəncamı ilə "Əməkdar mühəndis" fəxri adına layiq görülmüşdür.

Ailəsi

Ailəlidir, iki övladı var.