Rəsulov Qeybulla İbadulla oğlu (18 mart 1922, İlisu, Zaqatala qəzası[d] – 11 sentyabr 1988, Bakı) — dramaturq, Yazıçılar Birliyinin üzvü (1961).

Qeybulla Rəsulov
Qeybulla Rəsulov
	Rəsulov Qeybulla İbadulla oğlu
Doğum tarixi	18 mart 1922
Doğum yeri	İlisu, Qax, Azərbaycan SSR, ZSFSR, SSRİ
Vəfat tarixi	11 sentyabr 1988 (66 yaşında)
Vəfat yeri	Bakı, Azərbaycan SSR
Vətəndaşlığı	SSRİ
Milliyyəti	azərbaycanlı
Uşağı	Eldəniz Rəsulov;
Fəaliyyəti	dramaturq

Rəsulov Qeybulla İbadulla oğlu (18 mart 1922, İlisu, Zaqatala qəzası^[d] – 11 sentyabr 1988, Bakı) — dramaturq, Yazıçılar Birliyinin üzvü (1961).

Həyatı

1922-ci il martın 18-də Azərbaycanın Qax rayonunun İlisu kəndində anadan olmuşdur. İbtidai təhsili kənddə almış, yeddiillik məktəbi Qaxda bitirmiş, sonra Şəki feldşerlik məktəbində oxumuşdur (1935–1939). Ordu sıralarına çağırılmış, İkinci Dünya müharibəsi dövrü bir müddət Sovet Ordusu tərkibində İranda olmuş (1942), sonra 402 və 416-cı atıcı diviziyalarında Hərbi feldşer işləmişdir Mozdok şəhərinin azad edilməsi uğrunda döyüşlərdə yaralanmışdır Ordudan tərxis olunandan sonra Azərbaycan Dövlət Teatr İnstitutunun teatrşünaslıq fakültəsində təhsil almışdır Sonra M. Əzizbəyov adına Azərbaycan Dövlət Dram Teatrında ədəbi Hissə müdiri işləmişdir (1953–1955).

Yaradıcılığı

Ədəbi fəaliyyətə "Qatar Bakıdan gəlir" birpərdəli pyeslə başlamış, xalq yaradıcılığı evi həmin pyesi ayrıca kitabça halında çap etmişdir (1955). Azərbaycan Dövlət Radio Verilişləri Komitəsində müxbir, redaktor (1955–1957), "Bakı" axşam qəzeti redaksiyasında ədəbiyyat və incəsənət şöbəsinin müdiri (1958–1965), M Əzizbəyov adına Azərbaycan Dövlət Akademik Dram Teatrında ədəbi Hissə müdiri işləmişdir (1965-ci ildən) Respublikada keçirilən ən yaxşı pyeslər müsabiqəsində dəfələrlə mükafata layiq görülmüşdür. "Əlvida, Hindistan", "Söz yarası", "Nəsillər", "Od parçası", "Gün aydın, əlahəzrət",, "Günəşlə oyananlar", "Şəhərli oğlan", "Molla Nəsrəddin zarafatı", "Dzerjinski koloniyası" pyesləri respublika dövlət dram teatrlarında səhnəyə qoyulmuşdur. Onun birpərdəli pyesləri, Habelə irihəcmli dramları özfəaliyyət dərnəklərində və xalq teatrlarında oynanmışdır. Eyni zamanda "Moskva", "Serebryannı bor", "Üç Gül", "Kranlar səslənir", "Büllur vaz", "Pırpız xanım", "Bir "Volqa" məhəbbət" adlı pyeslərinin televiziya tamaşaları göstərilmiş, "Sınaq", "Çağırış", "Ana və oğul", "Mayakovskinin Gözü ilə" və s. pyesləri isə radiola səslənmişdir. 1-ci dərəcəli "Vətən müharibəsi" ordeni və medallarla təltif edilmişdir.

Vəfatı

1988-ci il sentyabrın 11-də Bakıda vəfat etmişdir.

Ailəsi

Aktyor Eldəniz Rəsulovun atasıdır.