Qax İngiloy — Azərbaycan Respublikasının Qax rayonunun Qax İngiloy kənd inzibati ərazi dairəsində kənd.

Kəndin əsası 1897-ci ildə qoyulmuşdur.

• 1 yanvar 1914-cü il tarixinə olan məlumata əsasən kənddə əsasən etnik ingiloylardan ibarət hər iki cinsdən toplam 2115 nəfər əhali yaşayırdı.
• 15 yanvar 1970-ci il rəsmi əhali siyahıyaalınmasının yekunlarına əsasən kənddə 2970 nəfər (2440 nəfəri və ya 82,2 %-i ingiloylar, 405 nəfəri və ya 13,6 %-i azərbaycanlılar, 82 nəfəri və ya 2,8 %-i ləzgilər, 43 nəfəri və ya 1,4 %-i digər millətlər) əhali yaşayırdı.
• 1 yanvar 2012-ci il tarixinə olan rəsmi məlumata əsasən kənddə 721 təsərrüfatda hər iki cinsdən toplam 1792 nəfər əhali yaşamaqdadır.

Gürmük çayının sahilində, Baş Qafqaz silsiləsinin ətəyindədir. Bu oykonim Qax şəhərinin adından və ingiloy etnonimindən ibarət olub, “Qaxın ingiloylar yaşayan hissəsi” mənasındadır. Bu da Azərbaycan türklərinin yaşadığı Qaxmuğal hissəsindən fərqləndirilməsi üçündür. Mənşəcə qədim alban tayfalarından biri olmuş və erkən orta əsrlərdə Şərqi Gürcüstanın güclü təsiri altında gürcü dilini qəbul etmiş ingiloyların məskun olduqları kəndlərdəndir.

Kənddə "Müqəddəs Giorgi" kilsəsi gürcü pravoslav xristian dini icması fəaliyyət göstərir.

• Müqəddəs Georgi kilsəsi (Qax)