Qardabani bələdiyyəsi, Qarayazı bələdiyyəsi — Gürcüstan Respublikasının Aşağı Kartli diyarında inzibati-ərazi vahidi. İnzibati mərkəzi Qardabani şəhəridir.

1 yanvar 1926-cı il tarixinə olan inzibati-ərazi bölgüsünə görə Tiflis qəzasının Qarayazı dairəsi (gürcücə: ყარაიაზის თემი—>qaraiazis temi) 356 km² ərazini, bu ərazidə yerləşən 4 kənd sovetliyində daxil olan 17 kəndi və bu kəndlərdə yaşayan 2.176 ailədə 8.895 nəfər əhalini əhatə edirdi. 17 dekabr 1926-cı il Ümumsovet siyahıyaalınmasına əsasən Qarayazı dairəsində qeydə alınmış 8.358 nəfər əhalinin 6.570 nəfərini və ya 78,61 %-ni etnik türklər təşkil etmişdir. 22 dekabr 1932-ci ildə Qaratəpə kəndinin adı dəyişdirilərək Qarayazı kəndi adlandırıldı. 18 mart 1947-ci ildə Qarayazı rayonunun adı Qardabani rayonu, Qarayazı rayonunun inzibati mərkəzi olan Qarayazı kəndi isə Qardabani kəndi adlandırıldı. Qardabani rayonu 1929-cu ildə Gürcüstan SSR-nin Borçalı qəzası ləğv edildikdən sonra 1930-cu ildə onun ərazisninin bir qismində təşkil edilmişdir, 1947-ci ilədək Qarayazı rayonu adlanmışdır. 1 yanvar 1931-ci il tarixinə olan inzibati-ərazi bölgüsünə görə Qarayazı rayonu 528 km² ərazini, bu ərazidə yerləşən 3 kənd sovetliyində daxil olan 24 kəndi və bu kəndlərdə yaşayan 12.146 nəfər əhalini əhatə edirdi. 18 mart 1947-ci ildə Qarayazı rayonunun adı Qardabani rayonu, Qarayazı rayonunun inzibati mərkəzi olan Qarayazı kəndi isə Qardabani kəndi adlandırıldı.

Qardabani cənub-şərqdən Azərbaycan Respublikası, şimal-şərqdən Saqareco rayonu, şimaldan Msxeta rayonu, qərbdən isə Marneuli və Tetriskaro rayonları ilə həmsərhəddir. Rayon mərkəzi olan Qardabani şəhəri Rustavidən 25 km., paytaxt Tiflisdən 42 km. məsafədə yerləşir.

Rayon ərazisinin əksər hissəsi dəniz səviyyəsindən hündürlüyü təqribən 300 metr təşkil edən Qarayazı düzündə yerləşir. Ən hündür nöqtəsi 1499 metr olan Sanişno dağıdır.

Sahəsi 1304,1 km² olan Qardabani rayonunun ərazisi 1 səhər (Qardabani şəhəri — 11786 nəfər), 2 qəsəbə (Lilo-2132 nəfər, Kocor-1358 nəfər) və 47 kənddən ibarətdir. Kəndlərin 33-də gürcülər, 14-də isə azərbaycanlılar üstünlük təşkil edir. Kəndlərin 6-nın əhalisinin sayı 5000 nəfərdən çoxdur: Martkofi (7666 nəfər), Sərtiçala (7041 nəfər), Nəzərli (5808 nəfər), Soğanlıq (5698 nəfər), Kosalı (5612 nəfər) və Qamarcveba (5282 nəfər).

Milli tərkibi

Yaşayış məntəqələri üzrə

Şəhər/kənd	Əhali 2002-ci ildə, sayı.	gürcü %	azər- baycanlı %	yunan %
Qardabani (gürc. გარდაბანი)	11858		90
Didi Lilo (gürc. დიდი ლილო)	2420
Kocori (gürc. აღთაქლა)	1867
Ağtəklə (gürc. აღთაქლა)	4229		93
Anbartəpə (gürc. ამბართაფა) (keç. Traubenfeld)	131	13	81
Axali-Samqori (gürc. ახალი სამგორი)	2223	98
Axalsopeli (gürc. ახალსოფელი, 41°45′43″ şm. e. 45°04′30″ ş. u.HGYO)	1827	98
Axaltskaro (gürc. ახალწყარო)	487	97
Axalşeni (gürc. ახალშენი)	1184		87
Birlik (gürc. ბირლიკი)	1655		98
Vaziani (gürc. ვაზიანი)	2694	79	11
Varketili (gürc. ვარკეთილი)	2932	93
Vaxtanqisi (gürc. ვახტანგისი) (keç. Ulyanovka)	2592		90
Qamarcveba (gürc. გამარჯვება)	5282	97
Candar (gürc. ჯანდარი)	3118		97
Dideba (gürc. დიდება)	175	97
Zemo-Teleti (gürc. ზემო თელეთი)	847	99
Kalinino (gürc. კალინინო) (keç. Tatyanovka)	1156		94
Qaracalar (gürc. კარაჯალარი)	4141		98
Qarataqla (gürc. ყარათაგლა)	2936		98
Aşağı Kəpənəkçi (gürc. ქვემო კაპანახჩი)
Kvemo-Teleti (gürc. ქვემო თელეთი)	798	98
Kveseti (gürc. კვესეთი)	12	100
Kvişiani (gürc. ქვიშიანი)	285	92
Kosalı (gürc. ქესალო)	5612		98
Kiketi (gürc. კიკეთი)	173	92
Krtsanisi (gürc. კრწანისი)	2560	87
Kumisi (gürc. კუმისი)	2182	97
Lemşveniera (gürc. ლემშვენიერა)	1931	98
Leninisi (gürc. ლენინისი)
Martkopi (gürc. მარტყოფი)	7666	99
Mzianeti (gürc. მზიანეთი)	413	96
Muğanlı (gürc. მუღანლო)	3558		99
Muxran-Teleti (gürc. მუხრან-თელეთი)	93	100
Muxrovani (gürc. მუხროვანი)	618	94
Naqebi (gürc. ნაგები)	481	91
Nəzərli (gürc. ნაზარლო)	5808		97
Nasaquri (gürc. ნასაგური)	1409	82
Norio (gürc. ნორიო)	3968	99
Patara-Lilo (gürc. პატარა ლილო)	663	100
Poniçala (gürc. ფონიჭალა)	5698		89
Ruisbolo (gürc. რუისბლო)
Saakadze (gürc. სააკაძე)	286	74		12
Sartiçala (gürc. სართიჭალა) (keç. Fridenfeld)	7041	90
Səmədli (gürc. სამადლო)	17	100
Satsxenisi (gürc. საცხენისი, 41°47′57″ şm. e. 45°03′55″ ş. u.HGYO)	565	99
Tabaxmela (gürc. ტაბახმელა)	2036	97
Təzəkənd (gürc. თაზაქენდი)	1856		98
Tsavkisi (gürc. წავკისი)	1199	99
Tsalaskuri (gürc. წალასყური)	561	98
Tsinubani (gürc. წინუბანი)	1189	98
Tsitelubani (gürc. წითელუბანი)	373	91
Şindisi (gürc. შინდისი)	1543	99

Qardabani rayonu Gürcüstanın aqrar-sənaye rayonudur. Energetika sənayesi, xüsusilə istilik energetikası kifayət qədər yüksək inkişaf etmişdir. 2006-cı ildə Gürcüstanda toplanmış yulafın 24,4%-i, tərəvəzçilik məhsullarının 14%-i, günəbaxanın 5,6%-i, qarğıdalının 5,3%-i, yumurta istehsalının 17,4%-i, yun istehsalının 8,6%-i, ət istehsalının 4,6%-i, süd istehsalının 4,4%-i, diri ev quşlarının 10,6%-i, davarın 7,9%-i, mal-qaranın isə 3,8%-i Qardabani rayonunun payına düşmüşdür.

• Kvemo Kartli mxaresinin (quberniyasının) rəsmi internet səhifəsi
• Gürcüstan Statistika Departamentinin rəsmi internet səhifəsi 2008-11-18 at the Wayback Machine