1991-ci il oktyabr ayının 18-də Bakıda anadan olub. O, talışəsillidir. Hip-hopla 10 yaşından həvəskar olaraq məşğul olmağa başlayıb. İlk peşəkar fəaliyyətinə 20

1991-ci il oktyabr ayının 18-də Bakıda anadan olub. O, talışəsillidir. Hip-hopla 10 yaşından həvəskar olaraq məşğul olmağa başlayıb. İlk peşəkar fəaliyyətinə 2009-cu ildə Difai qrupunun tərkibində oxuduğu "Artıq sabahdır" treki ilə başlayıb. Onun Difai qrupunda "Mən gedirəm", "Cavab ver", "Newschool", "Həyatın oyunu", "Marshal ve biz", "Forever", "Smackdown", "Music Note", "Love and peace", "Küçələr bizimdir", "Huk" kimi trekləri işıq üzü görüb. 2012-ci ildə də Difai qrupundan ayırlaraq "All in Label" və "Synaps Production" tərkibinə qatılıb. Həmin illərdə Klick Klick Bau, Pis teatr, Like 10, Meqabaytlar, TTM, Fransızsayağı işgəncə, North west, Bang bang, Demo, X noise, Label 3, Ağır metal, İri çaplı kimi treklərə imza atmışdır. Bu dövrdə Uran, Xpert, Sansar Salvo kimi repçilərlə əməkdaşlıq edib.

2016-cı ildə karyerasında yeni mərhələ başayır. Onun Dost və OD ilə birgə ifa etdiyi "1st class" treki böyük diqqət cəlb edir. 2017-ci ildə ilk albomu olan "Puldan baha" işıq üzü görür. 2018-ci ildə "Dorian Gray" sinqlını ərsəyə gətirib. 2018-ci ildə Xpertlə birgə ölkənin müxtəlif bölgələrinə tura çıxıb. 2019-cu ilin sonunda "Kəllə-Kəlləyə" layihəsi çərçivəsində rep-batlda etdiyi çıxışı ilə ölkədə böyük səs-küy yaratmışdır. 2020-ci ildə sayca ikinci solo albomu olan "Bina" albomunu təqdim edib. 2020-ci ildə İkinci Qarabağ müharibəsindəki qələbəyə həsr olunmuş "Yaşma" trekini oxuyub. 2021-ci ildə "Pulumu doğ" adlı trekini təqdim edib. 2023-cü ildə "Çirkin" albomu, bir il sonra isə RZZA ilə birlikdə "Lotos" mini-albomu işıq üzü görüb.

2019-cu il dekabrın 26-da Binəqədi Rayon Məhkəməsi tərəfindən İnzibati Xətalar Məcəlləsinin 510-cu (xırda xuliqanlıq) və 535.1-ci (polisin qanuni tələbinə tabe olmamaq) maddələri ilə təqsirli bilinərək barəsində 30 sutka həbs qərarı çıxarılıb. Bəzi ictimai fəalların sözlərinə görə, onun saxlanmasına səbəb dekabrın 9-da yazdığı "Gang" adlı mahnısında "Paşa Bank" haqqında ifa etməsi olub. 2020-ci il yanvarın 21-də gündüz saatlarında cəza müddətini başa vuraraq azadlığa çıxıb.

O, müxtəlif dövrdə Xpert, Uran və digər sənətkarlar ilə əməkdaşlıq edib.

21 yanvar 2023-cü ildə Natavan Əfəndiyeva ilə ailə həyatı qurmuşdur. Albert adlı bir oğlu var.

Onun diskoqrafiyasına 3 studiya albomu daxildir.

Ad	İl	Albomun üz qabığı	Qeyd
Puldan baha	2016		Trek siyahısı № Başlıq Müddət
Bina	2020		Trek siyahısı № Başlıq Müddət 1. "Ya indi, ya heç vaxt" 2:42 2. "Gəzirəm" 4:14 3. "Yenidən" 3:31 4. "Chain" (feat. Saybu Swag) 4:39 5. "Qayıt gəl" (feat. OD) 3:22
Çirkin	2023		Trek siyahısı № Başlıq Müddət 1. "Spinner" 1:44 2. "Easy Job" 2:44 3. "Malakan" (feat. OD) 2:57 4. "Zəngəzur" (feat. OD) 3:55 5. "Wake Up" (feat. OD) 2:37 6. "Aydınlandım" 3:25 7. "Oh No" (feat. Rio) 3:20 8. "Qan Pul" (feat. RIO) 2:29 9. "Taksist" 1:20 10. "Bane" 3:30 11. "Loo" 3:07 12. "Amen" (feat. RZZA) 3:19 13. "Surfing" 4:03 14. "Jameson" (feat. RZZA) 3:15

• 2023-cü il iyulun 1-də Elektra Events Hall-da Çirkin adlı solo konsert
• 2023-cü il sentyabrın 9-da Elektra Events Hall-da Bakı Tərpən adlı solo konsert