Naina Ağəli qızı İbrahimova — Azərbaycan aktrisası, Azərbaycan Respublikasının əməkdar artisti (2010).

Naina İbrahimova
Naina İbrahimova
Doğum tarixi	1973 (52–53 yaş)
Doğum yeri	Bakı, Azərbaycan SSR, SSRİ;
Atası	Ağaəli İbrahimov
Fəaliyyəti	aktrisa
Təhsili	Azərbaycan Dövlət Mədəniyyət və İncəsənət Universiteti;
Mükafatları

Naina Ağəli qızı İbrahimova — Azərbaycan aktrisası, Azərbaycan Respublikasının əməkdar artisti (2010).

Həyatı

Naina İbrahimova 2004-cü ildə Azərbaycan Dövlət Mədəniyyət və İncəsənət Universitetinin teatr və kino aktyoru fakültəsində ali təhsil almışdır.

1995-ci ildən S.Vurğun adına Rus Dram teatrında aktrisa vəzifəsində işləyir.

20 dekabr 2010-cu ildə "Azərbaycan Respublikasının əməkdar artisti" fəxri adına layiq görülmüşdür.

Teatrda işlədiyi müddətdə bir neçə rollar oynamışdır. Onların arasında: Nisə xanım (M.F.Axundov "Lənkəran xanlığın vəziri"), Züleyxa (Elçin "Poçt şöbəsində möcüzələr"), Katya Volkova (A.Qalin "Konkurs"), Marion Dübua (M.İbrahimbəyov "Neft bumu"), Şirin (S.Vurğun "Fərhad və Şirin") kimi rolları qeyd etmək olar. N.İbrahimova bir çox kliplərdə çəkilib, fotomodel kimi tanınır.

Şəxsi həyatı

Aktrisa Naina İbrahimova rəssamlar Ağəli İbrahimovun və Nadejda İbrahimovanın qızıdır.

2013-cü ilin oktyabr ayında Fərid adlı fotomodellə ailə qurub. Bu cütlüyün 2015-ci ilin fevralın 23-də oğul övladı olub.

Filmoqrafiya

Bəyaz həyat (film, 2003)
"Moskva-Bakı" qatarı (film, 2005)
Bir dəfə Qafqazda (film, 2007)
Qüdsi (film, 2007)
Sonuncu dərviş (film, 2009)
Vəkil hanı? (film, 2011)

Kliplər

Ağadadaş Ağayev — Sənsiz keçən ömür — musiqi: Eldar Mansurov, sözlər: Vahid Əziz