Nəfi (osman. نفعي; 1572[…] və ya 1572, Pasinlər, Ərzurum ili – 27 yanvar 1635, İstanbul) — osmanlı satirik şairi.

Əsl adı Ömərdir. Nəfi onun təxəllüsüdür. Əli Mustafa Əfəndinin "Məcməul-bəhreyn" adlı əsərində verdiyi məlumata və özünün Hafiz Əhməd Paşaya yazdığı qəsidəyə görə, onun hicri 980-ci (1572) ildə anadan olmuşdur (güman ki). Nəfi Ərzurumun Pasinlər (Həsənqala) ilçəsində dünyaya gəlmişdir. Onun babası Pasinlər sancaq bəyi Mirzə Əli, atası isə Micingerd (Sarıqamış) sancaq bəyi Mehmed Bəydir.

I Əhmədin dövründə İstanbula getmiş, burada müxtəlif vəzifələrdə çalışmış və yaradıcılıqla məşğul olmuş, satirik şeirlər yazmışdır. IV Muradın dövründə onun satirik şeir yazması yasaqlanmışdır.

Ancaq yenə satirik şeirlər yazmağa davam edən Nəfi, ölümə məhkum edilmişdir: Katib Çələbinin ilə Nəimənin bildirdiyinə görə, Nəfi, Bayram Paşanın əmri ilə, Boynuəyri Mehmed Ağanın başçılığında, sarayın odunluğunda edam olunmuş və nəşi dənizə atılmışdır.

• Divan (türkcə). Müəllifin şəxsən tərtib etdiyi əsərdə qəsidələr üstünlük təşkil edir.
• Divan (farsca). Bu əsər daha çox eşqə və təsəvvüfə həsr edilmişdir.
• Tuhfətül-uşşaq. Bu əsər 97 beytlik bir qəsidədir.
• Sihəmi-qəza. Satirik mövzuda qələmə alınmış əsər.