Mədrəs Universiteti (tam. சென்னைப் பல்கலைக்கழகம்) — Hindistanın Çennai şəhərində yerləşən ali təhsil müəssisəsi. Kəlkətə və Mumbay universitetləri ilə birlikdə

Mədrəs Universiteti
Mədrəs Universiteti
Tip	Dövlət
Şüar	lat. Doctrina Vim Promovet Insitam
Əsası qoyulub	5 sentyabr 1857
Tələbə sayı	4,819
Ölkə	Hindistan
Şəhər	Çennai
Sayt	unom.ac.in
	13°03′57″ şm. e. 80°16′57″ ş. u.HGYO
	Vikianbarda əlaqəli mediafayllar

Mədrəs Universiteti (tam. சென்னைப் பல்கலைக்கழகம்) — Hindistanın Çennai şəhərində yerləşən ali təhsil müəssisəsi. Kəlkətə və Mumbay universitetləri ilə birlikdə ölkəsinin ən qədim və öncül universitetlərindən biridir.

Tarixi

Universitetin əsası 5 sentyabr 1857-ci ildə qoyulmuşdur. Quruluşunda nümunə kimi London Universiteti əsas götürülmüşdür.

Strukturu

Madras Universitetinin təşkilati strukturunu aşağıdakı qurumlar əhatə edir:

Senat;
Sindikat;
Akademik Şura;
Fakültələr;
Maliyyə Komitəsi;
Araşdırma Forumları.

Fəaliyyəti

Bu universitetə bağlı olan bir sıra araşdırma qurumları tərəfindən dinə — təsəvvüfə dair bir çox əsər yayımlanmışdır. Buraya bağlı olan çox saydakı kolleclərin bir qismi İslami təhsil verməkdədir.

Kampusları

Universitetin 6 kampusu var:

Çepauk kampusu;
Marina kampusu;
Quindi kampusu;
Taramani kampusu;
Çetput kampusu;
Maduravoyal kampusu.

Məktəbləri

Universitetin nəzdində fəaliyyət göstərən məktəblər bunlardır:

Tarixi Araşdırmalar Məktəbi;
İctimai Elmlər Məktəbi;
Siyasi və Beynəlxalq Araşdırmalar Məktəbi;
İqtisadiyyat Məktəbi;
Fəlsəfə və Dini Düşüncə Məktəbi;
Gözəllik və Performans İncəsənəti Məktəbi;
İngilis dili və Xarici Dillər Məktəbi;
Tamil və digər Dravid Dilləri Məktəbi;
Sanskrit və digər Hind Dilləri Məktəbi;
Menecment Araşdırmaları Məktəbi;
Riyaziyyat, Statistika, Kompüter Elmləri Məktəbi;
İnformasiya və Kommunikasiya Araşdırmaları Məktəbi;
Yer və Atmosfer Elmləri Məktəbi;
Kimya Elmləri Məktəbi;
Fizika Məktəbi;
Həyat Elmləri Məktəbi;
Təməl Tibb Elmləri Məktəbi;
Nano Elm və Fotoniklər Məktəbi.

Kitabxanaları

Mədrəs Universitetinin 4 əsas kitabxanası var. Bunların hər biri bir kampusda yerləşir:

Mədrəs Universiteti Kitabxanası (Çepauk kampusu) — 1907-ci ildə Konnemara Xalq Kitabxanasında yaradılmışdır. Hind-Britaniya üslubunda tikilmiş mövcud kitabxana binası isə qranit guşəli tağlardan, səkkizbucaqlı bazalı qübbədən ibarətdir və inşası başa çatdıqdan sonra – 3 sentyabr 1936-cı istifadəyə verilmişdir. Köşkləri Hindistandakı İslam memarlığına bənzəyir.;
Mərkəzi Kitabxana (Quindi kampusu);
Mərkəzi Kitabxana (Marina kampusu);
Mərkəzi Kitabxana (Taramani kampusu).

Simvolları

Universitetin əsas simvolu olan gerb bu ali məktəbin yarandığı il – 1857-ci ildə dizayn edilmişdir.

Tanınmış məzunları

Buranın məzunu olan məşhurlardan misal olaraq aşağıdakıların adlarını çəkmək olar:

Fizika üzrə Nobel mükafatı laureatı Çandrasekxara Raman
Hindistan riyaziyyatçısı Srinivasa Ramanucan
Hindistanın 2-ci prezidenti Sarvepalli Radhakrişnan
Hindistanın 11-ci prezidenti Abdul Kalam

Yaşıl inqilabın atası Mankombu Svaminatan
Kompüter mütəxəssisi Rac Reddi
"PepsiCo" rəhbəri İndra Nuyi
Hindistan şahmatçısı, qrosmeyster Vişvanatan Anand