Mohi döyüşü (mac. Muhi csata, rum. Bătălia de la Muhi, xorv. Bitka na rijeci Šajo, slovak. Bitka pri rieke Slaná) — 1241-ci ilin 11 aprelində Macarıstan krallığ

Döyüş Macarıstanın Mohi kəndi yaxınlığında, Şayo (Sajó) çayı sahilində baş tutmuşdur. Monqollar Macarıstana bir neçə istiqamətdən hücum edərək ölkənin müdafiəsini zəiflətmiş, əhali arasında təşviş yaratmışdılar. IV Bela ölkənin müxtəlif bölgələrindən əsgərlər toplayaraq böyük bir ordu ilə düşmənə qarşı çıxmağa qərar verdi. O, ordugahını Şayo çayı yaxınlığında qurdu və burada monqolların hücumuna qarşı mövqe tutmuşdur. Monqollar isə qeyri-ənənəvi və ağıllı hərbi taktikalar tətbiq edirdilər. Sabutay düşməni aldatmaq məqsədilə Macar düşərgəsini birbaşa hücum etmədən əhatəyə almışdır və bir neçə gün ərzində psixoloji təzyiq göstərmişdir. Nəhayət, 1241-ci ilin aprelin 11-də gecəyarısı monqol ordusu qəfil hücuma keçmişdir. Onlar körpünü tutaraq macar ordusunun müdafiəsini yarıb düşərgəyə girdilər. Bu, macarlar üçün ağır bir məğlubiyyətlə nəticələnmişdir. Döyüş zamanı Macar ordusu düzgün təşkilatlanmamışdı və əsgərlərin çoxu feodal mülklərdən toplanmış təcrübəsiz döyüşçülər idi. Monqollar isə yüksək səviyyədə koordinasiyalı, sürətli və dəqiq hücumlarla tanınırdılar. Onların taktikasına atlı oxçuların istifadəsi, süni geriçəkilmə və düşməni əhatəyə alma kimi metodlar daxil idi. Mohi döyüşündə bu taktikaların hər biri istifadə olundu və Macar ordusu tamamilə məhv edilmişdir.

Kral IV Bela döyüş meydanından çətinliklə canını qurtardı və Adriatik dənizi sahillərinə — Dalmatiyaya qaçmışdır. Monqollar Budaya qədər irəlilədilər və ölkəni viran qoydular. Şəhərlər, kəndlər, monastırlar dağıdıldı, minlərlə insan qətlə yetirildi. Macarıstan bu döyüşdən sonra uzun illər özünə gələ bilmədi və əhalisinin böyük bir hissəsini itirmişdir. Ölkənin iqtisadi və sosial strukturu sarsılmışdır. Monqolların bu uğuru Avropada vahimə yaratdı. Almaniyadan İtaliyaya qədər bütün Avropa dövlətləri yeni bir istilaya hazırlaşmağa başladılar. Lakin 1242-ci ildə Monqol xaqanı Ugedeyin vəfatı nəticəsində Batı xan geri dönmək məcburiyyətində qaldı və Avropa bu dəfəlik genişmiqyaslı monqol istilasından qurtulmuşdur. Lakin Mohi döyüşü Avropaya monqolların nə qədər təhlükəli və güclü olduğunu açıq şəkildə göstərdi.

Nəticə etibarilə, Mohi döyüşü təkcə Macarıstan üçün deyil, ümumilikdə Avropa üçün ciddi xəbərdarlıq olmuşdur. Bu hadisə Macarıstan kralını ölkəni yenidən qurmağa və güclü qalalar inşa etməyə vadar etmişdir. IV Bela sonrakı illərdə ölkədə bir sıra islahatlar həyata keçirmişdir. Mohi döyüşü tarixdə təkcə bir məğlubiyyət kimi deyil, həm də Avropa müdafiəsinin dönüş nöqtəsi kimi dəyərləndirilir.

• Amitai-Preiss, Reuven. The Mamluk-Ilkhanid War. Cambridge: Cambridge University Press. 1998. ISBN 0-521-52290-0.
• Carey, Brian Todd. Warfare in the Medieval World. Pen & Sword Books. 2007. ISBN 978-1-84415-339-8.
• Gabriel, Richard A. Genghis Khan's Greatest General: Subotai the Valiant. Norman, Okla.: University of Oklahoma Press. 2006. ISBN 0-8061-3734-7.
• Kosztolnyik, Z. J. Hungary in the Thirteenth Century. East European Monographs; No. CDXXXIX. New York: Columbia University Press. 1996.
• Morgan, David. The Mongols. Oxford: Blackwell Publishing. 1990. ISBN 0-631-17563-6.
• Nicolle, David. The Mongol Warlords. Brockhampton Press. 1998.
• Regan, Geoffrey. The Guinness Book of Decisive Battles. Canopy Books. 1992. ISBN 9781558594319.
• Saunders, J. J. The History of the Mongol Conquests. London: Routledge. 1971. ISBN 0-8122-1766-7.
• Sicker, Martin. The Islamic World in Ascendancy: from the Arab conquests to the siege of Vienna. Praeger Publishers. 2000.
• Soucek, Svatopluk. A History of Inner Asia. Cambridge University Press. 2000. ISBN 9780521657044.
• Jackson, Peter. The Mongols and the West. Pearson Longman. 2005.
• Obrusánszky, Borbála. A tatárok kivonulásának okai [The reasons for the departure of the Tatars] (PDF) // Székelyföld - kulturális folyóirat (Hungarian). 21/9. Csíkszereda: Hargita Megye Tanácsa, Hargita Kiadóhivatal, Székelyföld Alapítvány. sentyabr 2017. 113–129. ISSN 1453-3871.