Mobbinq – bir qrup insanın bir fərdə və ya qrupa sosial bullinq tətbiq etməsi. Latınca "mobile vulgus"dan gəlir. İngiliscə "mob" hücum etmək, narahat etmək məna

"Mobbing" sözü ilk dəfə uşaqların bir-birləri ilə kobud münasibətlərini təsvir etmək üçün istifadə edilmişdir. 1950–1960-cı illərdə iş yerlərində aparılan araşdırmalar, mobbinqin təkcə uşaqlar arasında yaşanmadığını ortaya qoydu. Mobbinq emosional bir hücumdur.

Psixoloji şiddət anlayışı ilk dəfə Hayns Leymann tərəfindən 1984-cü ildə istifadə edilib.

Mobbinq şəxsin iş həyatından kənarlaşdırılması üçün qəsdən edilir. İnsanın hörmətsiz, alçaldıcı, təhqiramiz rəftar, hörmətsiz ittihamlara məruz qalması ilə başlayır. İşəgötürən, qarşı tərəfin sosial nüfuzunun azaldılmasına yönəlmiş təcavüzkar bir mühit yaratmaqla, təhqir və istehza ilə işini tərk etməyə çağırır. Qeyri-kommersiya təşkilatlarında, məktəblərdə və səhiyyə sənayesində mobbing daha çox görülür. Yüksək işsizlik dərəcələrinə görə işçinin dəyərsiz sayılması mobbinqin artmasına səbəb olur.

Psixoloji şiddətin növləri :

1. Yuxarıdan aşağıya doğru olan mobbinq bir rəhbərin tabeliyindəki işçilərinə qarşı tətbiq etdiyi davranışların məcmusudur. Onlar sahib olduqları təşkilati güc vasitəsilə işçilərə təzyiq göstərərək işçiləri təşkilatdan. kənarlaşdırmaq məqsədi güdürlər. Bunun bir çox səbəbi ola bilər.
2. Aşağıdan yuxarıya doğru olan mobbinq tabelikdəki işçilərin rəhbərlərinə qarşı fərdi ya da qrup şəklində hərəkət edərək tətbiq etdikləri davranışları təşkil edir.
3. Üfüqi psixoloji təzyiq — eyni səviyyədə və ya eyni hiyerarxik qrupda olanların bir-birlərinə qarşı tətbiq etdikləri davranışların təşkil edir. Məsələn: bərabər şərtlər altında çalışan işçilərin paxıllığı, eyni vəzifədəki işçilərin maraqlarının toqquşması, şəxsi narazılıqları, eyni mövqedə olanlar arasındakı rəqabət.