Masaüstü oyun — masa və ya başqa düz səthin üzərində oynanılan oyun. Məsələn, lövhə oyunları, kart oyunları, zər oyunları və s..

Ən qədim masaüstü oyunu sayılan tapıntı Türkiyənin Siirt ilində yerləşən Başur tellində (e.ə. 5000) aşkar olunmuş 49 zərdir. Bundan erkən olan tapıntılar tarixdən əvvəlki dövrünə aid olan zərlərə oxşar talus sümükləridir. Ehtimal olunur ki, bu cür sümüklər də oynamaq üçün işlənilirdi və onlar zərlərin əcdadlarıdır.

Tapılan bütün ən erkən lövhə oyunlarıda zər işlənilirdi və onlar iki oyunçu üçün nəzərdə tutulurdu. Onların ən erkəni Misirdə tapılan senet oyunudur. Senet sülalə əvvəl və I sülalə dövrlərinə (e.ə. 3500-3100 arası) aid dəfn məkanlarında aşkar olunub və bundan əlavə, ona istinadlar e.ə. 3100 dövrünə aid heroqlif mənbələrində var.

Masaüstü oyunlar ümumi formalarına və ya işlənilər alətlərinə görə təsnif oluna bilər:

Kateqoriya	Nümunələri
Lövhə oyunları	səyyahət lövhə oyunları, oyun kitabı, nərd, şahmat, alman üslubu lövhə oyunları, qo, reversi
Kart oyunları	pasyans, kolleksiya kart oyunları, hanafuda, Taro kart oyunları, poker
Zər oyunları	bunko, krəps, zərli poker, sik bo
Kağız və karandaş oyunları	Dəniz döyüşü, qomoku, nöqtələr və kvadratlar, asmaca, cücərti, sudoku
Rol masaüstü oyunu	Zindanlar və əjdahalar, Pathfinder Roleplaying Game
Strategiya oyunları	hərbi oyunlar, siyasi simulyasiya, miniatür oyunlar
Daş oyunları	15 oyunu, anaqram, domino, macon

Masaüstü oyunlar həmçinin deterministik və ya stoxastik olur. Deterministik (və ya abstrakt strategiya) oyunlarıda, oyunun nəticəsi oyuncuların hərəkətləridən aslıdır. Stoxastik oyunlarıda isə oyun nəticcəsi qismən təsadüfdən aslıdır. Bundan əlavə, oyunlar nəzəriyyəsinə görə, oyunlarda məlumat tam şəkildə və ya nisbətən verilə bilər. Tam məlumatlı oyunlarda oyunçuların oyunun ilk addımıdan bəri keçmişdə baş verən bütün hərəkərləri haqqında məlumatı olur (məsələn, bütün oyunçuların əvvəldən başlayaraq hansı kartları var).

	Tam məlumatlı	Məlumat tam şəkildə verilmir
Deterministik	Şahmat Şogi Çin şahmatı Dama Qo Qomoku Heks Mankala Reversi Nöqtələr və kvadratlar Fatbol Abalon	Bric
Stoxastik	Nərd Monopoliya Craps Rulet Parçisi	Poker Blekcek Skrəbbl Risk Macon