Marko Arment (11 iyun 1982, Kolumbus) – amerikalı mobil aplikasiya yaradıcısı, proqramçı. O həm də texnoloji sahədə müxtəlif saytlar və bloqlarda yazılar yazır.

Arment 2004-cü ildə Pensilvaniya ştatındakı Midlind şəhərində yerləşən Allegeyni kollecini kompüter elmləri ixtisası üzrə bitirib.

Arment nəhəng sosial şəbəkələrindən olan Tumblr proqramının əsas yaradıcı və təkmilləşdirici iki şəxsindən biridir. O, 2007–10 illəri arasında burada baş texnoloji direktor (CTO) vəzifəsində işləmişdir. O, 2010-cu ildə buradan ayrılaraq yaratdığı digər bir proqram olan Instapaper-in üzərində kökləndi.Instapaper maraqlandığın veb-saytları, məqalələri yadda saxlayır və münasib vaxtda sonradan oxumağını təmin edir. O lakin bu layihəni 2013-cü ildə Betaworks şirkətinə satmışdır.

2006-cı ildə şəxsi bloqu olan Marco.org saytını yaratmışdır. O, hələ də müntəzəm olaraq bloqunda yazılar paylaşır.

2012-ci ildə Arment elekron-həftəlik jurnal olan The Magazine-i buraxdı. Instapaper-in satışından bir ay sonra – 2013-cü ilin mayında Arment The Magazine jurnalını da elə jurnalın redaktoru Qlen Fleyşmenə satdı.

2013-cü ilin iyulunda Marko Bugshot proqramını istifadəyə verdi. Bugshot asanlıqla cihazlarda screenshot boşluğunu doldura bilən bir proqram idi. Marko daha bir proqramını da satdı. Alan tərəf bu dəfə Lickability şirkəti oldu.

2014-cü ilin iyulunda Arment önəmli layihələrindən biri olan podkast platforması Overcast-ı da istifadəyə verdi. Proqram iOS platformasında fəaliyyət göstərir.

Arment texnoloji sahədə müxtəlif vaxtlarda yazılar yazmışdır, podkastlar yayınlamışdır.