Malakka boğazı (ind. Malakka Madura, malay Selat Melaka) — Malay yarımadasını Sumatra adasından ayıran boğaz. Hind okeanına daxil olan Andaman dənizini Sakit ok

Malakka boğazı
Malakka boğazı
	ind. Selat Melaka,malay Selat Melaka
Ümumi məlumatlar
Eni	minimum 38 km
Uzunluğu	930 km
Ən böyük dərinliyi	113 m
Yerləşməsi
	1°26′00″ şm. e. 102°53′00″ ş. u.HGYO
Ölkələr	İndoneziya ; Tailand ; Malayziya ;
Akvatoriyası	Sakit okean Cənubi Çin dənizini Andaman dənizi ;
Ayırır	Malay yarımadasını Sumatra adasından
	Malakka boğazı
	Vikianbarda əlaqəli mediafayllar

Malakka boğazı (ind. Malakka Madura, malay Selat Melaka) — Malay yarımadasını Sumatra adasından ayıran boğaz. Hind okeanına daxil olan Andaman dənizini Sakit okeana daxil olan Cənubi Çin dənizi ilə birləşdirir. Boğazın uzunluğu 930 km, eni isə ən dar yerdə 38 km təşkil edir. Boğazın ən dayaz yerində dərinlik 25 m-dir. Strateji əhəmiyyət baxımından Süveyş kanalı və Panama kanalı ilə müqayisə oluna biləcək əhəmiyyətə malikdir. Bu yol Hind okeanı və Sakit okean arasında əsas dəniz yoludur.

İl ərzində boğazdan 50 min gəmi keçir ki, bu da dünya üzrə gəmi yükdaşımalarının 1/4-ni təşkil edir. Şərqi Asiya istiqamətində gedən neft daşımaları bu boğaz vasitəsilə həyata keçirilir. Bu istiqamətindəki daşımaların böyük qismi Yaponiya, Çin və Cənubi Koreyanın payına düşür. İl ərzində boğazdan tankerlər vasitəsilə 11 milyon barel xam neft daşınır.

Boğazda, həmçinin terror və piratlıq təhlükəsi yüksəkdir. 2003-cü ildə dünya üzə pirat hücumlarının 3/4 hissəsi boğazın üzərinə düşüb. Digər bir təhlükə isə Sumatra adasında mütəmadi baş verən yanğınlar zamanı boğazda görüş məsafəsinin 200 m-ə qədər azalmasıdır.

Alternativ layihə

Tailand hökuməti boğazı əvəzləyəcək və onun yükünü azaldacaq bir layihə hazırlayıb. Layihəyə görə Kra bərzəxində kanal tikintisi planlaşdırılır. Bu kanal iki okean arasında məsafəni 1000 km azaldacaq. Bununla belə, bu layihə həm ölkəni faktiki ikiyə bölə və ekoloji fəsadlar yarada bilər.