Məktəbi-tərbiyə 1894-cü ildə görkəmli maarifçi-pedaqoq Məhəmməd Tağı Sidqi tərəfindən Naxçıvan şəhərində təsis edilmişdir. Məktəbdə dünyəvi fənlərin tədrisinə c

Məktəbi-tərbiyə və ya "Tərbiyə" məktəbi— Naxçıvan şəhərində XIX əsrə aid məktəb.

Haqqında

Məktəbi-tərbiyə 1894-cü ildə görkəmli maarifçi-pedaqoq Məhəmməd Tağı Sidqi tərəfindən Naxçıvan şəhərində təsis edilmişdir. Məktəbdə dünyəvi fənlərin tədrisinə ciddi fikir verilir, ana dili ilə yanaşı rus dili və ədəbiyyatı da öyrədilirdi. 1896-cı ildə məktəb üçün yeni bina tikilmişdi. Onun inşasına Hacı Zeynalabdin Tağıyev, general-leytenant İsmayıl xan Naxçıvanski yaxından köməklik göstərmişdilər. Məktəb az vaxtda Naxçıvanın ədəbi-mədəni həyatının mərkəzlərindən birinə çevrilmişdi. Burada yerli ziyalıların iştirakı ilə teatr tamaşaları göstərilir, ədəbi əsərlərin müzakirəsi keçirilir, yubiley gecələri təşkil olunurdu. Aleksandr Puşkinin anadan olmasının 100 illiyi münasibətilə keçirilən yubiley gecəsində (26 may 1899) Məhəmməd Tağı Sidqi şairin həyat və yaradıcılığı haqqında məruzə etmişdir. Cəlil Məmmədquluzadə bu məktəbi "yeniyetmə müəllim və ədiblər üçün darülürfan" adlandırmışdır. 1896-cı ildə Rus-tatar (Rus–Azərbaycan) məktəbinə çevrilərkənməktəbinin fəxri nəzarətçisi Bəhram xan Naxçıvanski olmuş, sonra o yerini istefada olan rotmeyster Cəfərqulu xan Naxçıvanskiyə vermiş, daha sonra isə Mirzə Ələkbər Süleymanov özünün yazdığına görə 1897-ci ildə məktəbin müdiri təyin edilmişdir.

Müəllimləri

Mirzə Ələkbər Süleymanov rus dili müəllimi (1894–1906)

Məzunları

Hüseyn Cavid
Əlirza Rasizadə (Hüseyn Cavidin qardaşı)
Məmməd Səid Ordubadi
Əziz Şərif
Rza Təhmasib Bəyzadə
Məmmədhüseyn Təhmasib
Rzaqulu Nəcəfov
Əliqulu Qəmküsar qardaşları
Ələkbər Abbasov (Ələkbər Qərib Naxçıvanlı), yazıçı, tərcüməçi
Əli Səbri Qasımov
Məmmədəli Sidqizadə (M. T. Sidqinin böyük oğlu), məşrutəçi
Ələkbər Məmmədquluzadə (C. Məmmədquluzadənin kiçik qardaşı, Qori Müəllimlər Seminariyasında oxumağa ciddi təşəbbüs göstərmişdi)
Əbdüləzim Rüstəmzadə
Mircəfər Mirişli
Bəhruz Kəngərli
Xəlil ağa Hacılarzadə
Həsən Səfərli
[[Məmməd Xəlilov və
Əli Xəlilov
Heydər Vəzirov
Əsəd Şeyxov
Qasım bəy Camalbəyov
Ağa Bektaşov
Əsədulla Bektaşov
İbrahim Əbilov

Həmçinin bax

Ümid məktəbi
Məclis (məktəb)