Loru mərzi (erm. Լոռու մարզ Lorru marz) — Ermənistan Respublikasında inzibati-ərazi vahidi. Şimalda Gürcüstanın Aşağı Kartli diyarı, şərqdə Tavuş mərzi, cənubda

Loru mahalı
	Mərz
Loru mahalı
	erm. Լոռու մարզ
	Vanadzorda mərzbanlığın binası, 2009-cu il
	Gerb
	40°55′ şm. e. 44°30′ ş. u.HGYO
Ölkə	Ermənistan
İnzibati mərkəz	Böyük Qarakilsə
Ən böyük şəhərləri	Böyük Qarakilsə
Mərzban	Andrəy Ghukasiyan
Tarixi və coğrafiyası
Yaradılıb	07.11.1995
Sahəsi	3 789 km² (1.274 %, 3-cü-ci yer)
Hündürlük Maksimal; Minimal;	3 101 m; 390 m;
Saat qurşağı	UTC+4
Əhalisi
Əhalisi	235 537 nəfər (2011) (78 %,6-cı-ci yer)
Əhalinin sıxlığı	6.216 nəfər/km² (6-cı-ci yer)
Etnik tərkib	Ermənilər – 98.01 %; Ruslar – 1.34 %; Yezidilər – 0.28 %; Digərləri – 0.37 %. (2011)
Dini tərkib	Erməni Apostol Kilsəsi – 89.82 %; Dinsiz – 2.21 %; Yevangelik – 2.19 %; Katolik – 1.31 %; Molokan – 0.85 %; Digər və s. – 3.62 %. (2011)
Rəqəmsal identifikatorlar
ISO kodu	AM.LO
FIPS kodu	AM06
Poçt indeksi	1701–2117
İnternet domeni	.am
Avtomobil nömrəsi	36
	Rəsmi sayt
	Vikianbarda əlaqəli mediafayllar

Loru mərzi (erm. Լոռու մարզ Lorru marz) — Ermənistan Respublikasında inzibati-ərazi vahidi. Şimalda Gürcüstanın Aşağı Kartli diyarı, şərqdə Tavuş mərzi, cənubda Kotayk mərzi və Aragatsotn mərzi, qərbdə Şirak mərzi ilə həmsərhəddir. Gürcüstanla sərhəd xətti 110 km–dir. İnzibati mərkəzi Böyük Qarakilsə şəhəridir.

Tarix

Mərz ölkənin şimalında Gürcüstanla sərhəddə, tarixi Loru mahalı ərazisində yerləşir. 7 noyabr 1995-ci ildə Ermənistan Respublikası Milli Məclisinin qərarı ilə Alaverdi, Quqark, Taşir, Spitak, Stepanavan və Tumanyan rayonları ləğv edilərək onların hesabına Loru mərzi təşkil edilmişdir.

Coğrafiya

Mərzin ərazisi 2011–ci il siyahıyaalınması zamanı 3.789 km² idi. Yeni inzibati dəyişikliklərdən sonra mərzin ərazisi 10 km² artaraq 1 yanvar 2012–ci il tarixindən etibarən 3.799 km² təşkil edir. Ərazinin 251.154 hektarı kənd təsərrüfatı üçün yararlı hesab edilən torpaqlardır, ondan 42.075 hektarı əkin sahələridir. Orta illik yağıntı 600–700 mm təşkil edir. Mərzin ən hündür nöqtəsi (3101 m) Tej-əhməd dağı, ən alçaq hissəsi isə Tona çayının Gürcüstanla sərhəddə yaxın aşağı axarının vadisi (təqribən 390 m) hesab edilir. Mərzin ümumi ərazisi əsasən dağlıqdır, düzənliklərdən Loru çökəkliyi ölçülərinin böyüklüyünə görə fərqlənir. Sıx çay şəbəkəsi var, əksəriyyəti kiçik çaylardır. Demək olar ki, hamısı Cəlaloğlu və Pəmbək çaylarının və onların qovuşmasından yaranan Tona çayının, həmçinin Çapal çayının hövzəsinə daxildir.

İnzibati-ərazi bölgü

Loru mərzi inzibati cəhətdən 113 bələdiyyəyə (erm. Համայնք) bölünür. Hər bir bələdiyyə kənd və şəhər olmasından asılı olmayaraq bir və ya bir neçə yaşayış məntəqəsini əhatə edir. ERMSTAT–ın 1 yanvar 2011–ci ilə olan rəsmi məlumatına əsasən mərzin ərazisində 8–i şəhər və 105–i kənd bələdiyyəsi olmaqla 113 bələdiyyə mövcuddur. Bələdiyyələrin tərkibinə 8 şəhər və 122 kənd daxildir.

Əhali

İllərə görə əhali: Loru mərzi
(Mənbə: *ERMSTAT*)
İl	1995	1997	1999	2001	2002	2003	2004	2005	2006	2007	2011	2014	2015
Əhali	303.300	304.300	295.100	287.000	286.300	285.000	284.500	283.900	283.400	282.700	235.500	228.900	228.000

Şəhərlər

Mərzin 1 iyul 2014-cü il tarixinə rəsmən 228.9 min nəfər təxmin edilən de-yuri yəni daimi əhalisindən 134.7 min nəfəri şəhərlərdə yaşayırdı. ERMSTAT–ın rəsmi məlumatına əsasən mərzin daimi əhalisi azalaraq 2015–ci ilin yanvar ayının 1–inə 228 min nəfər təşkil etmişdir və onlardan 134.3 min nəfəri şəhər əhalisidir. Şəhər əhalisinin 83.4 min nəfəri Vanadzor sakinləridir.

12–21 oktyabr 2011–ci il siyahıyaalınmasına əsasən mərzin şəhərləri:

Yer	Şəhər	Əhali	Yer	Şəhər	Əhali
1	Vanadzor	86 199	5	Taşir	7 773
2	Alaverdi	13 343	6	Axtala	2 092
3	Stepanavan	13 086	7	Tumanyan	1 710
4	Spitak	12 881	8	Şamlıq	700

Etnik tərkib

Loru mərzi əhalisinin etnik tərkibi (2015): Ermənilər (97,0 %) Ruslar (1,5 %) Yunanlar (1,0 %) Digərləri (0,5 %)

Etnik qrup	1939 sa.		2001 sa.		2011 sa.
Etnik qrup	Sayı	%	Sayı	%	Sayı	%
Cəmi	172 214	100.00	286 408	100.00	235 537	100.00
Ermənilər	138 554	80.45	280 471	97.93	231 066	98.01
Ruslar	16 312	9.47	3 882	1.36	3 152	1.34
Azərbaycanlılar	12 267	7.12	0	0	0	0
Yezidilər	337	0.20	793	0.28	652	0.28
Kürdlər	337	0.20	9	0.28	11	0.28
Yunanlar	3 350	1.95	655	0.23	360	0.15
Ukraynalılar	629	0.37	138	0.05	91	0.04
Gürcülər	252	0.15	460	0.15	100	0.04
Digər və s.	513	0.29	460	0.15	105	0.14

Şərhlər

1939–cu il siyahıyaalınması zamanı Ermənistan SSR–in Kirovakan, Kalinino, Spitak, Stepanavan və Alaverdi rayonları əhalisinin cəminə uyğun.

Həmçinin bax

[24] 1939–cu il siyahıyaalınması zamanı Ermənistan SSR–in Kirovakan, Kalinino, Spitak, Stepanavan və Alaverdi rayonları əhalisinin cəminə uyğun.