Lakşmi Mittal Nivas ( 15 iyun 1950[…], Rajqarx[d], Racastan) — hind iş adamı, "Mittal" qrupunun təsisçisi və sahibi, dünyanın ən böyük polad şirkəti "Arcelor Mi

Lakşmi Mittal Nivas ( 15 iyun 1950^[…], Rajqarx^[d], Racastan) — hind iş adamı, "Mittal" qrupunun təsisçisi və sahibi, dünyanın ən böyük polad şirkəti "Arcelor Mittal"ın ortaqlarından biri. 2008-ci ildə, "Forbs"un fikrincə dünyada var-dövlətinə görə dördüncü yer (45 milyard ABŞ dolları) ona məxsusdur. 2009-cu ildə, "Forbs"a istinadən, onun kapitalı 20,7 milyarda qədər azalıb. Ona məxsus "Ispat" adlı şirkət dünyanın, demək olar ki, bütün bölgələrində fəaliyyət göstərib. Atası cənab Mittal ilk şirkəti Hindistanda qurmuş, lakin hökumətlə yaşanan problemlər üzündən satmağa məcbur olmuşdu. 30 il müddətində Lakşmi Mittal Meksika, Kanada, Almaniya, Qazaxıstan və digər ölkələrdə şirkətləri satın alaraq kapitalını artırmışdır. 2003-cü ildə şirkətin adı "Mittal Steel Group" olaraq dəyişdirilmiş və şirkət Hollandiyaya, baş ofis isə Londona köçürülmüşdür. Ailə şirkətində onun oğlu Aditya atasının yolunu davam etdirir. Lakşmi Mittal Hindistan və dünyanın bir çox yerində elm, səhiyyə, idman, ətraf mühit sahəsində xeyriyyəçilik fəaliyyəti göstərir.

Lakşmi Mittal
Lakshmi Mittal
Doğum tarixi	15 iyun 1950(1950-06-15)[…] (75 yaş)
Doğum yeri	Rajqarx[d], Racastan, Hindistan
Təhsili	Kəlkətə Universiteti
Fəaliyyəti	iş adamı, sahibkar
Mükafatları
Vikianbarda əlaqəli mediafayllar