Aşağı Kartli diyarı (gürc. ქვემო ქართლის მხარე) — Gürcüstanda I dərəcəli inzibati – ərazi vahidlərindən biri. 1994–1996-cı illərdə həyata keçirilmiş inzibati is

İnzibati cəhətdən respublika tabeli Rustavi şəhərindən və altı bələdiyyədən (Başkeçid, Bolnisi, Marneuli, Qarayazı, Salka, Tetri Tskaro) ibarətdir. Aşağı Kartlinin inzibati mərkəzi Rustavi şəhəridir. Ətraflı olaraq bax: Borçalı

Əhali sayının dinamikası
Tarix	Əhali	Tarix	Əhali	Tarix	Əhali
17.01.2002	497 530	01.01.2006	507 600	01.01.2007	508 300
01.01.2008	486 900	01.01.2009	488 800	01.01.2010	499 900
01.01.2011	505 700	01.01.2012	511 300	01.01.2013	511 100
01.01.2014	513 100	05.11.2014	424 769	01.01.2015	425 000

01 yanvar 2020-ci il tarixinə əsasən diyarın ümumi əhalisi 434.200 nəfər olmuşdur. Onlardan 189.700 nəfəri şəhərlərdə, 244.500 nəfəri isə kəndlərdə yaşayırdı. 2002-ci ildə kənd əhalisinin 152.456 nəfəri kişilərdən, 158.569 nəfəri isə qadınlar təşkil edirdi. Həmin il yekunlarına əsasən kənd əhalisinin 62,50%-i azərbaycanlılardan, 28,40%-i gürcülərdən, 6,70%-i ermənilərdən, 1,50%-i urumlardan, 0,40%-i ruslardan və 0,50%-i digərlərindən ibarət idi. Siyahıyaalınma vaxtı diyarın tərkibinə 6 rayon (2006-cı ildən sonra "bələdiyyə"), 7 şəhər, 8 qəsəbə, 104 sakrebulo və 348 kənd daxil idi. 348 kənddən 147-də azərbaycanlılar, 128-də gürcülər, 31-də ermənilər, 25-ində urumlar, 2-də isə osetinlər əksəriyyət təşkil edirdi, qalan 15 kənddə isə əhali yaşamırdı.

2014-cü ildə Gürcüstan əhalisinin rəsmi siyahıyaalmasına görə diyarın əhalisi 423 986 nəfər təşkil edib və bu göstəriciyə görə Aşağı Kartli Gürcüstanda 2-ci yerdədir. 51,3% əhali təşkil edirlər gürcülər isə 41,8% azərbaycanlılar. Vilayətin qubernatoru Şota Rehviaşvilidir.

• Aşağı Kartli düzənliyi