Kotor körfəzi (mont. Boka Kotorska) — Monteneqronun cənub-qərbində, Xorvatiyanın cənubunda yerləşən körfəz. Körfəz Adriatik dənizində yerləşmiş olub fiord tipli

Kotor körfəzi Kuaterner dövründə bu bölgədəki düzənliklərin su altında qalması nəticəsində yaranmışdır. Yanında Lovsen və Orjen dağlarının yüksəldiyi, sahillərin girintili-çıxıntılı olduğu dərin körfəzdir. Körfəz Verij boğazı ilə bir-birindən ayrılan 2 böyük hövzədən ibarətdir. (Tivat körfəzi, Kotor və Risan körfəzi.)

Körfəzin ətrafındakı kiçik quru yolları turizm təsislərini bir-birinə bağlayır. Buradakı ən qədim yaşayış məntəqəsi e.ə. III əsrdə İlliriya adı ilə qurulan, daha sonra Roma hakimiyyətinə düşən Risan şəhəridir. Körfəzin ətrafında Roma dövründən qalma bir çox yaşayış məntəqəsinin qalıqları vardır. Körfəzin girişində 1382-ci ildə qurulan və sonradan Osmanlı, İspaniya, Venesiya, Rusiya, Fransa və Avstriya işğalı altında qalmış Herseqnovi yerləşir. Herseqnovinin şərqində qədim dövrlərə aid xəzinənin qorunduğu Savina monastırı (1030) yerləşir. Orta əsrlərdə Kotor qəsəbəsi və ötəki limanlardan əldə ədilən gəmilərlə bir “Körfəz (Boka) Donanması” yaradılmışdır; əvvəlcə bu donanmanın məqsədi ticarət olsa da XIX əsrdə quldurlara qarşı və müharibələrdə istifadə olunmuşdur.

Avropanın ən turistik yerlərindən biridir. Balıqçılıqla geniş məğul olunur. Başlıca limanları Tivat, Risan, Prçanj və Kotordur.

• 
  Müqəddəs Trifon kilsəsi
• 
  Sent Corc və Bizim Rifin Leydisi adaları
• 
  Kilsə
• 
  İlliriya qəsri
• 
  Mənzərə
• 
• 
  Kotorun qədim qalıqları