Konstantin (Kote) İvanoviç Maxaradze (gürc. კოტე (კონსტანტინე) ივანეს ძე მახარაძე; 17 noyabr 1926, Tiflis – 19 dekabr 2002, Tbilisi) — məşhur sovet idman şərhçi

Kote İvanoviç Maxaradze
Kote İvanoviç Maxaradze
	gürc. კოტე (კონსტანტინე) ივანეს ძე მახარაძე
Doğum adı	კოტე მახარაძე
Doğum tarixi	17 noyabr 1926
Doğum yeri	Tiflis, Tiflis qəzası, Gürcüstan Sovet Sosialist Respublikası[d], ZSFSR, SSRİ;
Vəfat tarixi	19 dekabr 2002 (76 yaşında)
Vəfat yeri	Tbilisi, Gürcüstan;
Vəfat səbəbi	insult
Dəfn yeri	Didube panteonu;
Həyat yoldaşı	Sofiko Çiaureli;
Fəaliyyəti	aktyor, televiziya aparıcısı, teatr pedaqoqu[d], şərhçi
Təhsili	Şota Rustaveli adına Tbilisi Teatr İnstitutu[d];
Mükafatları	;

Konstantin (Kote) İvanoviç Maxaradze (gürc. კოტე (კონსტანტინე) ივანეს ძე მახარაძე; 17 noyabr 1926, Tiflis – 19 dekabr 2002, Tbilisi) — məşhur sovet idman şərhçisi, teatr və kino aktyoru. Gürcüstan SSR xalq artisti.

Həyatı

Konstantin Maxaradze 1926-cı il noyabrın 17-də Tiflisdə anadan olub. Uşaq ikən basketbolla məşğul idi. Sonradan futbola keçmişdi. Maxaradze "Dinamo" Tbilisidə gənclər arasında Gürcüstan çempionu olmuşdur.

Kote Maxaradze 1941-ci ildə Tiflis Xoreoqrafiya Məktəbini bitirmişdir. 1944-cü ildə isə orta məktəbdən məzun olub. Tbilisi Dövlət Teatr İnstitutuna daxil olub 1948-ci ildə oranı bitirmişdir. 1948–1970-ci illərdə. Şota Rustaveli teatrının aktyoru olub. 1950-ci ildən — Tbilisi Teatr İnstitutunda müəllim işləmişdir. 1957-ci ildən — Gürcüstan televiziyasında idman şərhçiliyinə başlamışdır. Orada televiziya və radioda futbol matçlarını işıqlandırıb. İki il sonra o, mərkəzi Sovet dövlət televiziyası və radiosunda şərh verməyə başlamışdır. Yüksək peşəkarlıq xüsusiyyəti ilə seçilən Maxaradze Sovet İttifaqının milli futbol komandasını xaricə səfər edərkən müşayiət edirdi. Kote Maxaradze növbəti dörd onillikdə bu dövrün bütün əsas idman oyunlarını və Olimpiya oyunlarını, o cümlədən Tbilisinin "Dinamo" komandasının 1964-cü ildə SSRİ kubokunda və 1981-ci ildə UEFA Kuboklar Kubokunda qazandığı tarixi qələbələri televiziyada şərh etmişdi.

1972-ci ildən isə Kote Marcanişvili adına Tbilisi Akademik Teatrının aktyoru olmuşdur.

1994-cü il Tbilisi Teatr İnstitutunda professor dərəcəsi almışdır. 2001-ci ildə o, ilk gürcü balet festivalı-müsabiqəsi Çabukiani-Balançinenin həm-rejissoru və aparıcısı olmuşdur.

O, 2002-ci il oktyabrın 12-dən 13-nə keçən gecə Gürcüstan və Rusiya futbol yığmaları arasında Tbilisidəki "Lokomotiv" stadionunda elektrik enerjisinin kəsilməsi səbəbindən təxirə salınmış oyundan sonra insult keçirdi. Kote Maxaradze 77 yaşında 19 dekabr 2002-ci ildə Tbilisidə vəfat etmişdir. O, Tbilisidə Didube panteonunun qəbiristanlığında dəfn edilib. Daha sonra onun yanında həyat yoldaşı Sofiko Çiaureli dəfn olunub.

Mükafatları

Gürcüstan SSR xalq artisti (1967)
Şota Rustaveli mükafatı laureatı
beynəlxalq idman filmləri festivalının laureatı
Qırmızı Əmək Bayrağı ordeni (1967)
Şərəf ordeni (1997 və 08/09/2002).
EA Sports-dan FIFA-10 kompüter video oyununda Kote Maxaradzenin "Top havada ikən …" ifadəsi şərhçi Vasili Utkin deyir.

Filmləri

1975 — Artıq var olmadığıma inanmayın
1977 — Səhər dumanı kimi
1982 — Ailə xronikasından iki fəsil
1984 — Tənha Taciri Qazanmaq — Xose
1984 — Eyni toqquşmanın iki versiyası — Carlo Mazzoni, "White Star" tankerinin kapitanı
1984 — Və gözəl bir qələbə anı — şərhçi
1984 — Tövbə — prokuror
1985 — Qarşıdurma — polkovnik Serqo Suxişvili