Vəlid ibn Əbdülməlik və ya I Vəlid (tam adı: Əbül-Abbas əl-Vəlid ibn Əbdilməlik ibn Mərvan ibn Həkəm əl-Üməvi əl-Qureyşi; ərəb. الوليد بن عبدالمالك‎; 668, Mədin

Mədinə də anadan olub. Savadı az olsa da, lakin tikintiyə böyük həvəsi var idi. O, eyni zamanda Peyğəmbər məscidini genişləndirmiş və bəzəmişdir. Onun dövründə Əndəlüs və Türkistan fəth edildi. Nitqi qüsurlu olan Vəli, qrammatikanı öyrənməyə çalışsa da, müvəffəqiyyət qazana bilmədi. Atasının dövründə bir neçə dəfə Bizansa qarşı döyüşlərdə iştirak etmiş, Həcc ziyarəti də etmişdir.

Rəvayət olunur ki, hər üç gündən bir Quranı xətm edərdi. Ramazan ayında on yeddi dəfə Quran oxuyub bitirdiyi nəql olunur.

İbn Əbi Əblə onun haqqında demişdir:

"Allah Vəlidi rəhmət etsin, Vəlid kimi kim ola bilərdi! O, Hindistanı və Əndəlusu fəth etdi, mənə gümüş kasalar verərdi ki, onları qarilərə paylayım."

Zalım və sərt olsa da, xilafət işlərini yerinə yetirirdi. Fəqihləri, yetimləri, xəstələri və zəifləri himayə edər, işlərini nizama salardı. İbn Əsakir onun həyatını geniş şəkildə nəql etmişdir. O, hicri 96-cı ildə, 51 yaşında vəfat etmişdir. Qəbri Bab əs-Sağir qəbiristanlığındadır. Onun haqqında "Tarixi-Dəməşq"də və digər mənbələrdə uzun tərcümeyi-hal qeyd olunmuşdur.