Heydər Sadıq oğlu Vəzirov (1891 və ya 1893, Nehrəm – 14 oktyabr 1937, Bakı) — Azərbaycan SSR Xalq Torpaq Komissarı və Göyçay Qəza İcraiyyə Komitəsinin sədri. Re

Heydər Vəzirov
Heydər Vəzirov
	Heydər Sadıq oğlu Vəzirov
Azərbaycan SSR xalq torpaq komissarı
	7 fevral 1932 – yay 1937
Zaqafqaziya Sosialist Federativ Sovet Respublikası Dövlət Plan Komitəsinin sədr müavini
	1932 – 7 fevral 1933
Əvvəlki	Məmməd Həsən Hacınski
Zaqafqaziya Sosialist Federativ Sovet Respublikası xalq torpaq komissarı
	1931 – 1932
Azərbaycan SSR xalq torpaq komissarının müavini
	1929 – 1931
Gəncə Qəza İcraiyyə Komitəsinin sədri
	1927 – 1929
Göyçay Qəza İcraiyyə Komitəsinin sədri
	1925 – 1927
Azərbaycan SSR hərbi komissarı
	1924 – 1926
Əvvəlki	Əliheydər Qarayev
Azərbaycan Birləşmiş Hərbi Məktəbinin rəisi
	1920 – 192?
Əvvəlki	Atif bəy
Şəxsi məlumatlar
Doğum tarixi	1891 və ya 1893
Doğum yeri	Nehrəm, Azərbaycan;
Vəfat tarixi	14 oktyabr 1937 (43–46 yaşında)
Vəfat yeri	Bakı, Azərbaycan SSR, SSRİ;
Təhsili	İrəvan Müəllimlər Seminariyası;
Fəaliyyəti	inqilabçı
Təltifləri

Heydər Sadıq oğlu Vəzirov (1891 və ya 1893, Nehrəm – 14 oktyabr 1937, Bakı) — Azərbaycan SSR Xalq Torpaq Komissarı və Göyçay Qəza İcraiyyə Komitəsinin sədri. Repressiya qurbanı.

Həyatı

1893-cü ildə Nehrəmdə doğulmuşdur. İlk təhsilini Naxçıvanda üsuli-cədid məktəbində almışdır. 1913-cü ildə İrəvan seminariyasını bitirmiş və gimnaziyanın səkkizinci sinfinə imtahan vermiş və 1914–1918-ci illərdə, Birinci Dünya müharibəsi başlananda qısa müddət hərbi məktəbdə təhsil almış və ön cəbhəyə göndərilmişdir. 1915-ci ilin iyun ayında kiçik zabit rütbəsində Qalitsiya uğrunda döyüşlərdə almanlar tərəfindən əsir alınsa da, 1918-ci ildə hərbi əsirlər dəyişdirilərək yaralılar sırasından keçərək Türkiyədən Azərbaycana qayıtmışdır.

1918-ci ilin noyabrında Azərbaycan Xalq Cümhuriyyətinin Milli Ordusunun kiçik komandirlər hazırlayan məktəbində müəllim işləmişdir.

1937-ci ildə repressiya məruz qalmış, ailəsi ilə birlikdə məhv edilmişdir.

Siyasi fəaliyyəti

Aprel işğalından sonra məktəbin kollektivi ilə birlikdə Sovet hakimiyyəti tərəfinə keçmiş, Azərbaycan Birləşmiş Hərbi Məktəbi Ermənistanda, həmçinin Azərbaycan qəzalarında daşnaklara və banditizmə, Gürcüstanda menşeviklərə qarşı hərbi əməliyyatda iştirak etmişdir. Heydər Vəzirov Respublika hərbi komissarı kimi milli hərbi kadrların hazırlanmasında böyük xidmətlər göstərmişdir.

O, 1925–1927-ci illərdə Göyçay Qəza İcraiyyə Komitəsinin sədri vəzifəsində, 1927–1934-cü illərdə isə Azərbaycan SSR xalq torpaq komissarı vəzifələrində işləyib. AKP 12-ci və 13-cü qurultaylarında MK üzvü, Azərbaycan MİK(8-ci çağırış), ZSFSR MİK(7-ci çağırış) və SSRİ MİK -in (7-ci çağırış) üzvü seçilmişdir

Mükafatları

1923-cü ildə Heydər Vəzirov "Qırmızı Bayraq ordeni" ilə və 6197 nömrəli Fəxri Fərmanla təltif olunmuşdur.