Hamamlı — Gürcüstan Respublikasının Aşağı Kartli mxaresinin Başkeçid rayonunun inzibati-ərazi vahidində kənd. 1 yanvar 2010-cu il vəziyyətinə görə Hamamlı kənd

Hamamlı kəndi
gürc. სოფელი ამამლო (sopeli amamlo)
Hamamlı kəndi; gürc. სოფელი ამამლო (sopeli amamlo)
	ამამლო
	41°16′34″ şm. e. 44°13′24″ ş. u.HGYO
Ölkə	Gürcüstan
Region	Aşağı Kartli
Rayon	Başkeçid
Tarixi və coğrafiyası
Mərkəzin hündürlüyü	1.160 m
Əhalisi
Əhalisi	1.100 nəf. (2014);
Rəqəmsal identifikatorlar
Telefon kodu	+995 360
Poçt indeksi	1701
	Xəritəni göstər/gizlə Hamamlı kəndi; gürc. სოფელი ამამლო (sopeli amamlo)

Hamamlı — Gürcüstan Respublikasının Aşağı Kartli mxaresinin Başkeçid rayonunun inzibati-ərazi vahidində kənd. 1 yanvar 2010-cu il vəziyyətinə görə Hamamlı kənd inzibati-ərazi dairəsinin mərkəzidir.

Coğrafiyası

Kənd rayonun inzibati mərkəzi olan Başkeçid şəhərindən 9 km cənubda, Qarabulaq çayının sol sahilində yerləşir.

Tarixi

Kəndin cənubunda 1 km aralıda XII əsrdən qalma, girişi cənubdan olan kilsə və kiçik məzarlıq aşkarlanmışdır.

Əhalisi

Kənddə 1728-cı ildə 16 ailə, 1870-ci ildə 47 ailədə 409 nəfər, 1926-cı ildə 127 ailədə 858 nəfər azərbaycanlı yaşayırdı.

17-24 yanvar 2002-ci il Ümumgürcüstan əhali siyahıyaalınmasının rəsmi yekunlarına əsasən kənddə yaşayan 1.596 nəfər (769 nəfəri kişilər, 827 nəfəri qadınlar) əhalinin 97 %-i etnik azərbaycanlılardan ibarətdir.

1 yanvar 2010-cu il tarixinə olan rəsmi təxminə əsasən kənddə 1.579 nəfər əhali yaşayır.

Tanınmış şəxsiyyətləri

Aşıq Sona Hamamlı (Sona Qara qızı Əliyeva) (1918-1988) — aşıq
Kamandar Məcidov — Yunan-Roma güləşi üzrə 1988 Yay Olimpiya Oyunlarının qızıl mükafatçısı
Knyaz Aslan — publisist, şair.

Təhsil

Kənddə ilk dünyəvi məktəb 1922-ci ildə yaradılmışdır. Hazırda kənddə bir orta məktəb fəaliyyət göstərir. Və burada 249 şagird təhsil alır.