Hüseyn Səlami (1 avqust 1960, Gülpayigan, İsfahan ostanı – 13 iyun 2025, Tehran) — İran hərbi lideri, general-mayor. İranın İnqilab Keşikçiləri Korpusunun rəisi

Hüseyn Səlami
Hüseyn Səlami
	fars. حسین سلامی‎
İslam İnqilabı Keşikçiləri Korpusunun komandanı
	21 aprel 2019 – 13 iyun 2025
Əvvəlki	Məhəmməd Əli Cəfəri
Sonrakı	Məhəmməd Pakpur
Şəxsi məlumatlar
Doğum tarixi	1 avqust 1960
Doğum yeri	Gülpayigan, Mərkəz bəxşi[d], Gülpayeqan şəhristanı, İsfahan ostanı, İran;
Vəfat tarixi	13 iyun 2025 (64 yaşında)
Vəfat yeri	Tehran, Tehran şəhristanı, Tehran ostanı, İran;
Vəfat səbəbi	hava zərbəsi
Təhsili	İran Ali Milli Müdafiə Universiteti;
Fəaliyyəti	hərbi qulluqçu, siyasətçi
Dini	şiəlik
Hərbi xidmət
Mənsubiyyəti	İran
Qoşun növü	İslam İnqilabı Keşikçiləri Korpusu
Döyüşlər	İran–İraq müharibəsi,; İŞİD əleyhinə hərbi müdaxilə,; İran–İsrail münaqişəsi (2024–2025);
Rütbəsi	general-leytenant;
Təltifləri
	Vikianbarda əlaqəli mediafayllar

Hüseyn Səlami (1 avqust 1960, Gülpayigan, İsfahan ostanı – 13 iyun 2025, Tehran) — İran hərbi lideri, general-mayor. İranın İnqilab Keşikçiləri Korpusunun rəisi (2019–2025).

Həyatı

Hüseyn Səlami 1960-cı ildə İranın İsfahan vilayətinin Gülpayigan şəhərində anadan olub.

1978-ci ildə İran Elm və Texnologiya Universitetində maşın mühəndisliyi üzrə təhsilə alıb. Lakin İran-İraq müharibəsi başlayandan sonra İran İslam İnqilabı Keşikçiləri Korpusuna qoşulub və müharibədən sonra təhsilini davam etdirib.

İran-İraq müharibəsi zamanı Salami İsfahanda İnqilab Keşikçiləri Korpusunun bölmələrində xidmət edib. O, 2005-ci ildə SEPAH-ın Hərbi Hava Qüvvələrinin komandanı olub. 2009-cu ildə isə baş komandanın müavini təyin edilib.

Tehranda Ali Milli Təhlükəsizlik Universitetində də müxtəlif vəzifələrdə çalışıb.

2019-cu il aprelin 21-də İranın dini lideri Əli Xamenei tərəfindən SEPAH-ın komandanı təyin edilib. Xidməti dövründə ABŞ, İsrail və Səudiyyə Ərəbistanına qarşı sərt mövqeyi ilə diqqət çəkib.

Salami müxtəlif vaxtlarda ABŞ və BMT tərəfindən sanksiyalara məruz qalıb. O, 2006-cı ildə BMT Təhlükəsizlik Şurası, 2007-ci ildə isə ABŞ Maliyyə Nazirliyi tərəfindən İranın nüvə və ballistik raket proqramları ilə əlaqəsinə görə sanksiya siyahısına salınıb.