Gürsel Qüdrət oğlu İsmayılzadə (15 yanvar 1971, Bakı) — Azərbaycan diplomatı, Azərbaycan Respublikasının Yaponiyada fövqəladə və səlahiyyətli səfiri (2011–2019,

Gürsel İsmayılzadə
Gürsel İsmayılzadə
Azərbaycan Respublikasının Yaponiyada fövqəladə və səlahiyyətli səfiri
	12 mart 2020 – 27 oktyabr 2025
Sonrakı	Fərid Talıbov
	16 avqust 2011 – 15 yanvar 2019
Əvvəlki	Azər Hüseyn
Şəxsi məlumatlar
Doğum tarixi	15 yanvar 1971 (55 yaş)
Doğum yeri	Bakı, Azərbaycan SSR, SSRİ;
Təhsili	Tsukuba Universiteti[d],; Sofiya Universiteti,; Bakı Dövlət Universiteti;
Fəaliyyəti	diplomat
Atası	Qüdrət İsmayılzadə
Təltifləri
	Vikianbarda əlaqəli mediafayllar

Gürsel Qüdrət oğlu İsmayılzadə (15 yanvar 1971, Bakı) — Azərbaycan diplomatı, Azərbaycan Respublikasının Yaponiyada fövqəladə və səlahiyyətli səfiri (2011–2019, 2020–2025).

Həyatı

Gürsel Qüdrət oğlu İsmayılzadə 15 yanvar 1971-ci ildə Bakı şəhərində anadan olub. Bakıda fars dili təmayüllü 62 saylı məktəbi gümüş medalla bitirib. 1992-ci ildə BDU Şərqşünaslıq fakültəsi ərəb mütərcimləri bölməsindən məzun olub.

1992–1993-cü illərdə AMEA Şərqşünaslıq İnstitutunda çalışıb. 1993-cü ildən Xarici İşlər Nazirliyinin Dövlət Protokolu İdarəsinə III katib vəzifəsinə qəbul edilib.

1996-cı ildən XİN-dən Yaponiya Təhsil Nazirliyinin dəvəti və təqaüdü ilə Yaponiyaya təhsil almağa ezam edilib, Tokionun Cyoçi Universitetinin Beynəlxalq əlaqələr fakültəsinə tədqiqatçı kimi daxil olub. 2000-ci ildə Cyoçi Universitetinin Beynəlxalq əlaqələr fakültəsinin doktorluq proqramına (Ph. D.) daxil olub, 2004-cü ildə Beynəlxalq Əlaqələr üzrə fəlsəfə doktoru elmi dərəcəsi alıb.

2005-ci ildə Yaponiyadakı səfirliyimizdə birinci katib, 2006-cı ildə Səfirliyin müşaviri vəzifəsinə təyin edilib.

2010–201111-ci illərdə Xarici İşlər Nazirliyi İkinci (Şərq) Ərazi İdarəsinin müşaviri, nazirin katibliyinin müdiri və nazirin köməkçisi vəzifələrində çalışıb.

16 avqust 2011-ci ildə Azərbaycan Respublikası Prezidentinin Sərəncamı ilə Azərbaycan Respublikasının Yaponiyada fövqəladə və səlahiyyətli səfiri təyin edilib və 15 yanvar 2019-cu ildə həmin vəzifədən geri çağırılıb.

12 mart 2020-ci ildə yenidən Azərbaycan Respublikasının Yaponiyada Yaponiyada fövqəladə və səlahiyyətli səfiri təyin edilib və 27 oktyabr 2025-ci ilədək həmin vəzifədə çalışmışdır.

9 iyul 2019-cu ildə 3-cü dərəcəli "Vətənə xidmətə görə" ordeni ilə təltif edilmişdir.

İngilis, yapon, rus, ərəb dillərini bilir. Evlidir, bir övladı var.

Atası alim, arxeoloq Qüdrət İsmayılzadə tarix elmləri doktoru, professor, BDU Tarix fakültəsinin Arxeologiya və Etnoqrafiya kafedrasının müdiri olmuşdur.

Xarici linklər

Gursel Ismayilzada and Hasan Murat Mercan: Press Conference — YouTube — Qarabağ müharibələrinə cavab olaraq Tokioda mətbuat konfransı 23.10.2020