Ferents Puşkaş (mac. Ferenc Puskás, ilk adı Ferents Purtselad idi; 1 aprel 1927, Budapeşt – 17 noyabr 2006[…], Budapeşt) ― Macar futbolçu və məşqçi.

Ferents Puşkaş (mac. Ferenc Puskás, ilk adı Ferents Purtselad idi; 1 aprel 1927, Budapeşt – 17 noyabr 2006^[…], Budapeşt) ― Macar futbolçu və məşqçi.

Ferents Puşkaş
mac. Puskás Ferenc
Ümumi məlumatlar
Ləqəbi	Öcsi
Doğum tarixi	1 aprel 1927(1927-04-01)
Doğum yeri	Budapeşt, Macarıstan
Vəfat tarixi	17 noyabr 2006(2006-11-17)[…] (79 yaşında)
Vəfat yeri	Budapeşt, Macarıstan
Dəfn yeri	Müqəddəs Stefan bazilikası
Vətəndaşlığı	Macarıstan  İspaniya
Boyu	172 sm
Çəkisi	72 kq
Mövqeyi	hücumçu
Karyerası
Gənclik karyerası 1937—1943 Kişpeşt Klub karyerası 1943—1956 Honved 354 (357) 1958—1966 Real Madrid 180 (155) 1942—1967 Cəmi 537 (516) Milli yığma 1945—1956 Macarıstan 85 (84) 1961—1962 İspaniya 4 (0) Məşqçisi olduğu klublar 1967 Erkules 1967 San-Fransisko Qolden Get Geyls[ing.] 1968 Vankuver Royals[ing.] 1968—1969 Alaves 1970—1974 Panatinaykos 1975 Real Mursiya 1975—1976 Kolo-Kolo 1976—1977 Səudiyyə Ərəbistanı 1978—1979 AEK Afina 1979—1982 Əl-Misri 1985—1986 Sol de Amerika 1986—1989 Serro Portenyo 1989—1992 Saut Melburn Ellas[ing.] 1993 Macarıstan
Təltif və medalları
Olimpiya Oyunları Qızıl 1952 Helsinki 1954 İsveçrə Qızıl 1952 Helsinki
Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarda əlaqəli mediafayllar

O bütün zamanların ən yaxşı oyunçularından biri və beynəlxalq məşhurluq qazanan ilk idmançılardan biri hesab olunur. Məhsuldar hücumçu olan Puşkaş Macarıstan millisinin heyətində 85 matçda 84 qol vurmuş, İspaniya komandasında dörd beynəlxalq oyun keçirmiş və Macarıstan və İspaniya liqalarında 529 matçda 514 qol vurmuşdur. O, 1952-ci ildə Olimpiya çempionu oldu və ölkəsini 1954 Dünya Kubokunun finalına çıxardı. O, üç Çempionlar Kuboku (1959, 1960, 1966), 10 ölkə çempionatı (5 Macarıstan və 5 İspaniya Primera Divizyonu)) və 8 yüksək fərdi mükafat qazanmışdır. 1995-ci ildə IFFHS tərəfindən 20-ci əsrin ən böyük çempionat bombardiri elan etdi. Karyerası ərzində rəsmi oyunlarda vurduğu 808 qolla, o, bütün zamanların üçüncü ən yaxşı bombardiridir.

Onun atası Ferents Puşkaş böyük da futbolçu idi. Puşkaş karyerasına Macarıstanda, Honved klubunda başlamışdır. Dörd dəfə Macarıstan Liqasının bombardiri və 1948-ci ildə Avropanın ən yaxşı bombardiri olmuşdur. 1950-ci illərdə, "Qüdrətli macarlar" kimi tanınan Macarıstan millisinin həm görkəmli üzvü həm də kapitanı idi. Macar inqilabından iki il sonra 1958-ci ildə İspaniyaya mühacirət etdi və burada "Real Madrid"də oynamağa başladı. "Real Madrid" ilə Puşkaş dörd "Piçiçi" mükafatı qazandı və Çempionlar Kubokunun 2 finalında oynayaraq yeddi qol vurdu.

Futbolçu karyerasını bitirdikdən sonra o, məşqçilik etməyə başladı. Məşqçi karyerasının ən diqqət çəkən məqamı 1971-ci ildə "Panatinaykos"u Çempionlar Kubokunun finalına çıxarması oldu, hansında ki yunan təmsilçisi "Ayaks"a 2:0 hesabı ilə məğlub olmuşdur. 1993-cü ildə Macarıstana qayıtdı və müvəqqəti olaraq Macarıstan milli komandasına başçılıq etdi. 1998-ci ildə ilk FIFA/SOS Xeyriyyə səfirlərindən biri oldu. 2002-ci ildə Budapeştdəki "Nepştadion" stadionu onun adını daşımağa başladı. Həmçinin o, 2003-cü ilin noyabrında UEFA Yubiley Mükafatları tədbirində Macarıstan Futbol Federasiyası tərəfindən son 50 ilin ən yaxşı macar oyunçusu elan edildi. 2009-cu ilin oktyabrında FIFA il ərzində "ən baxımlı qol" vuran oyunçuya təqdim olunan FIFA Puskaş mükafatını təsis etdi. Bundan başqa, Pele onu FİFA 100 siyahısına əlavə etmişdir.