Vahidov Fazil Qulammirzə oğlu 1941-ci ilin martında Ağsu rayonunun Nuran kəndində anadan olmuşdur. 1958-ci ildə Ağsu qəsəbə orta məktəbini bitirmişdir. 1958–196

Vahidov Fazil Qulammirzə oğlu 1941-ci ilin martında Ağsu rayonunun Nuran kəndində anadan olmuşdur. 1958-ci ildə Ağsu qəsəbə orta məktəbini bitirmişdir. 1958–1963-cü illərdə Bakı Dövlət Universitetinin Filologiya fakültəsində oxumuşdur. 1970-ci ildən BDU-da çalışıb. 2024-cü il 26 noyabr tarixində vəfat edib.

Ali təhsillidir. 1972-ci ildə "Ömər Faiq Nemanzadənin dünyagörüşü" mövzusunda namizədlik dissertasiyası müdafiə etmişdir; fəlsəfə elmləri namizədidir. 1974-cü ildən BDU-nun dosentidir.

• 1963–1965-ci illərdə Kürdəmir rayonundakı "Bolşevik" sovxoz 8-illik məktəbinin müəllimi;
• 1965–1967-ci illərdə Kürdəmir rayonundakı Böyük Kəngərli 8-illik məktəbinin direktoru;
• 1967–1970-ci illərdə BDU-nun Fəlsəfə kafedrasının aspirantı;
• 1970–1974-cü illərdə BDU-nun Politologiya və sosiologiya kafedrasının müəllimi və baş müəllimi;
• 1974–1991-ci illərdə həmin kafedranın dosenti;
• 1992–2006-cı illərdə BDU-nun Sosial elmlər və psixologiya fakültəsinin dekanı;
• 1991-hal-hazıradək Sosiologiya kafedrasının dosenti;
• Apardığı dərslər: Ümumi sosiologiya, Sosioloji tədqiqatın metodologiyası və metodikası;
• 80-ə qədər məqalə və tezisin, 1 broşürnın, 1 monoqrafiyanın, 4 kitabın müəllifidir;
• 7 elmlər namizədi yetişdirmişdir;
• 2007-ci ildə "İlin müəllimi" fəxri adına layiq görülmüşdür.

• şəxsiyyət problemi
• dünyagörüşü məsələləri

• 2004, "Sosiologiya". Ali məktəblər üçün dərs vəsaiti (həmmüəlliflə).
• 2008, "Sosiologiya". Ali məktəblər üçün dərs vəsaiti (həmmüəlliflə).
• 2008, "Jurnalistika və sosiologiya". Dərs vəsaiti. (həmmüəlliflə).

• 1977, "Elmi dünyagörüşünün formalaşması zəhmətkeşlərin kommunist tərbiyəsinin tərkib hissəsidir"
• 1987, "Ahəngdar inkişaf etmiş şəxsiyyətin formalaşması" (həmmüəlliflə).
• 1994, "Sosiologiya". Dərs vəsaiti (həmmüəlliflərlə).
• 2005, "Sosiologiya". Ali məktəblər üçün dərs vəsaiti (həmmüəlliflə).
• 2008, "Sosiologiya". Ali məktəblər üçün dərs vəsaiti (həmmüəlliflə).
• 2008, "Jurnalistika və sosiologiya". Dərs vəsaiti. (həmmüəlliflə).

• 3-cü dərəcəli "Əmək" ordeni (2019)

2002–2004-cü illərdə Rusiya, Polşa və Azərbaycanda "Kənd həyatı" tematikası üzrə sosioloji sorğunun təşkilatçılardan biri olmuşdur.

Sosial elmlər və psixologiya fakültəsinin tələbələri fakültədə sosioloji sorğu keçirmiş, fəlsəfə, politologiya, sosiologiya, psixologiya, iqtisadiyyat ixtisasları üzrə ilin müəllimini müəyyən etmişlər. Həmin sorğunun nəticələrini elan etmək üçün 19 aprel 2010-cu ildə "Qızıl SEP: ilin müəllimi" mövzusunda tədbir keçirilmişdir. BDU rəhbərliyinin iştirak etdiyi bu tədbirdə Fazil Vahidov Sosiologiya ixtisası üzrə "İlin müəllimi" seçilmiş və mükafatlandırılmışdır.