Exokardioqrafiya — ürəyin ultrasəs müayinəsi. EKQ ilə birlikdə kardiologiyanın önəmli qeyri-invaziv müayinə üsullarından biridir.

Transtorakal Exokardioqrafiya (TTE) zamanı ürək döşüstü, yəni bədənin xaricindən, müayinə olunur. Bu zaman əsasən 2 nöqtədən baxış keçirilir:

• sol parasternal (döşsümüyü yanı) baxışda 2 müayinə kəsiyi var:
  • qısa ox kəsiyi
  • uzun ox kəsiyi
• apikal (ürək zirvəsindən) baxışda 4 görünüş var:
  • dörd boşluq görüntüsü (dördkameralı görünüş)
  • beş boşluq görüntüsü (beşkameralı görünüş)
  • üç boşluq görüntüsü (üçkameralı görünüş)
  • iki boşluq görüntüsü (ikikameralı görünüş)

Digər əlavə ölçmə nöqtəsi subcostal nöqtədir (qabırğaaltı görünüş, xəncərəbənzər çıxıntının altından).

Müxtəlif yöntəmlərlə ürəyin fəaliyyətini aşağıdakı kimi müayinə etmək olar:

• M-rejim ultrasəsin birölçülü müayinəsidir. Bu zaman sol parasternal yandan aortal və mitral qapaqlar, sol mədəcik müayinə olunur.

• 
  Sol mədəciyin parasternal uzun ox kəsiyində M-rejimdə görüntüsü

• 2-ölçülü B-rejimində ağ-qara görüntülərin sayəsində real zamanda qapaqların quruluşu, mədəciklərin yığılma fəaliyyəti və ölçüləri müayinə edilir.
• PW- və CW-Doppler
• Rəngli Doppler