Azərbaycanca (AZ)
English (US)
Қазақша (KZ)
Lietuva (LT)
Türkçe (TR)
O'zbekcha (UZ)
Energetika — 24 oktyabr 2023-cü il tarixli 1006-VIQ nömrəli "Energetika haqqında" Azərbaycan Respublikasının Qanununa əsasən enerjinin kəşfiyyatı, işlənilməsi, hasilatı, emalı, istehsalı, saxlanılması, alqı-satqısı, idxalı, ixracı, nəqli (ötürülməsi), paylanması və istifadəsini ehtiva edən iqtisadiyyat sahəsi;". Göründüyü kimi, bu anlayış enerji daşıyıcılarının istehsalından satışınaqədər bütün iqtisadi fəaliyyət zəncirini, habelə istehlakı (istifadəni) əhatə edir.
"Enerji" terminindən fərqli olaraq, "energetika" termini sırf bilik sahəsi, o cümlədən iqtisadiyyat sahəsi və hüquq institutudur.
"Energetika haqqında" 2023-cü il tarixli Qanunda eyni zamanda, energetika sahəsinə aid alt sahələr "sektor" adlandırılıb. Bu yanaşma digər hüquqi sənədlərdə də tətbiq edilib. Bu mənada energetika sahəsinə elektroenergetika sektoru, istilik energetikası sektoru, qaz təchizatı sektoru, neft sənayesi sektoru, kömür sektoru, atom energetikası və sair sektorlar aid edilə bilər.
Azərbaycan Respublikasında energetika sahəsinin tənzimlənməsi Avropa İttifaqının Üçüncü Energetika Paketi adlanan sənədlər toplusuna və dövlətlərarası Energetika Xartiyası Müqaviləsinə əsaslanır.
Energetika sahəsinin sektorları
Energetika sahəsinə aşağıdakı sektorlar aid edilir:
- Təbii və süni qaz sektoru;
- Elekteroenergetika sektoru;
- İstilik energetikası sektoru;
- Neft və neft məhsulları sektoru.
Bərpa ounan enerji mənbələsi ayrıca energetika sektru deyil, elektroenergetikanın və ya qaz təchizatı sektorunun alt sektorudur.
Azərbaycan Respublikasının energetika sahəsinə həsr olunmuş qanunları
Azərbaycan Respublikasının energetika sektoruna həsr olunmuş qanunları aşağıdakılardır:
- "Energetika haqqında" Azərbaycan Respublikasının Qanunu;
- "Elektrik enerjisi istehsalında bərpa olunan enerji mənbələrindən istifadə haqqında" Azərbaycan Respublikasının Qanunu;
- "Eleketroenergetika haqqında" Azərbaycan Respublikasının Qanunu;
- "Qaz təchizatə haqqında" Azərbaycan Respublikasının Qanunu;
- "İstilik təchizatı haqqında" Azərbaycan Respublikasının Qanunu;
- "Enerji resurslarından səmərəli istifadə və enerji effektivliyi haqqında" Azərbaycan Respublikasının Qanunu;
- "Beynəlxalq Bərpa Olunan Enerji Agentliyinin Nizamnaməsinin təsdiq edilməsi barədə" Azərbaycan Respublikasının Qanunu;
- "İqtisadi Əməkdaşlıq Təşkilatının Təmiz Enerji Mərkəzinin Nizamnaməsi”nin təsdiq edilməsi haqqında" Azərbaycan Respublikasının Qanunu;
- "Energetika Xartiyası Müqaviləsinin, Energetika səmərəliliyi və müvafiq ekoloji baxışlar məsələsi üzrə Avropa Energetika Xartiyası Protokolunun təsdiq edilməsi barədə" Azərbaycan Respublikasının Qanunu;
Energetika sahəsində əsas anlayışlar
vikipedia, viki, ensiklopediya, kitab, məqalə, oxumaq, pulsuz yüklə, Energetika haqqında məlumat. Energetika nədir? Energetika nə deməkdir?