Düşənbə (tac. Душанбе — tərc. bazar ertəsi) — Tacikistan Respublikasının paytaxtı, respublika əhəmiyyətli şəhər. Şəhər ölkənin ən böyük elmi-mədəni, siyasi, iqt

Düşənbə
Düşənbə
	Душанбе; دوشنبه
	Gerb
	38°34′23″ şm. e. 68°47′11″ ş. u.HGYO
Ölkə	Tacikistan;
Başçı	Rüstəm Emomali
Tarixi və coğrafiyası
Əsası qoyulub	XVII əsr
İlk məlumat	1676
Sahəsi	124,6 km²;
Mərkəzin hündürlüyü	706 ± 1 m
Saat qurşağı	UTC+05:00;
Əhalisi
Əhalisi	1.201.800 nəf. (2022);
Rəqəmsal identifikatorlar
Telefon kodu	+992 37
Poçt indeksi	734000
Nəqliyyat kodu	01, 05
Digər
	dushanbe.tj
	Xəritəni göstər/gizlə Düşənbə
	Vikianbarda əlaqəli mediafayllar

Düşənbə (tac. Душанбе — tərc. bazar ertəsi) — Tacikistan Respublikasının paytaxtı, respublika əhəmiyyətli şəhər. Şəhər ölkənin ən böyük elmi-mədəni, siyasi, iqtisadi, sənaye və inzibati mərkəzidir. Düşənbədə ölkənin ən yüksək hakimiyyət orqanları yerləşir. Respublika Prezidentinin Administrasiyası, Tacikistan Parlamenti və Prezident sarayı bu şəhərdə yerləşir.

Tarixi

" Düşənbə " adlı yaşayış məntəqəsi ilk dəfə olaraq XVII əsrin sonuna aid məxəzlərdə xatırlanır.

Bu yaşayış məntəqəsi 1826-cı ildə " Düşənbə — Kurqan" adlanırdı.

1924-cü ildə Düşənbə (keçmişdə " Düşənbə — Bazar " (tac. Дюшамбе-Бозор) ) kəndi , Səriasya və Şahmənsur kəndləri ilə birləşdirilərək Düşənbə qışlağı yaradıldı.

1925-ci ildə Düşənbə qışlağının yerində Düşənbə şəhəri təşkil edildi.

16 oktyabr 1929-cu ildə adı dəyişdirilərək Stalinabad adlandırılmış, Stalinin ölümündən sonra 1961-ci ildə şəhərin tarixi adı özünə qaytarılaraq Düşənbə adı bərpa edilmişdir.

Ərazisi

1 yanvar 2012-ci ilə olan rəsmi məlumata əsasən şəhər 126.6 km² ərazini əhatə edir.

İnzibati-ərazi bölgüsü

1 yanvar 2012-ci ilə olan məlumatlara əsasən şəhər inzibati cəhətdən 4 rayona bölünür:

1. Sina rayonu (tac. Ноҳияи Сино):

Ərazisi: 43.8 km²
Əhalisi: 285.4 min nəfər

2. Firdovsi rayonu (tac. Ноҳияи Фирдавсӣ):

Ərazisi: 29.1 km²
Əhalisi: 183.3 min nəfər

3. Şahmənsur rayonu (tac. Ноҳияи Шоҳмансур):

Ərazisi: 27.9 km²
Əhalisi: 147.3 min nəfər

4. İsmayıl Samani rayonu (tac. Ноҳияи Исмоили Сомонӣ):

Ərazisi: 25.8 km²
Əhalisi: 131.6 min nəfər

Əhalisi

1 yanvar 2012-ci il tarixinə olan rəsmi məlumata əsasən əhalisi 747.6 min nəfər əhalisi var.

Milli tərkibi

2010-cu il siyahıyaalınmasının yekunlarına əsasən şəhər əhalisinin 83.4 %-ini taciklər, 9.1 %-ini özbəklər, 5.1 %-ini ruslar, 2.4 %-ini isə digər millətlərin nümayəndələri təşkil edir.

Həmçinin bax

Düşənbə hadisələri