Bidzina Qriqoryeviç İvanişvili (gürc. ბიძინა ივანიშვილი; 18 fevral 1956, Çorvila[d], İmereti) — Gürcüstan siyasi və dövlət xadimi, 25 oktyabr 2012-ci ildən 20 n

Bidzina İvanişvili
Bidzina İvanişvili
	gürc. ბიძინა ივანიშვილი
Gürcüstanın Baş naziri
	25 oktyabr 2012 – 20 noyabr 2013
Sonrakı	İrakli Qaribaşvili
Şəxsi məlumatlar
Doğum adı	ბიძინა ივანიშვილი
Doğum tarixi	18 fevral 1956 (70 yaş)
Doğum yeri	Çorvila[d], Saçxer bələdiyyəsi[d], İmereti, Gürcüstan;
Partiya	Gürcü Arzusu;
Təhsili	Tbilisi Dövlət Universiteti;
Fəaliyyəti	siyasətçi, iş adamı, sahibkar, iqtisadçı
Dini	Gürcü Ortodoks Kilsəsi
Elmi fəaliyyəti
Elmi dərəcəsi	iqtisad elmləri namizədi[d];
Təltifləri	;
	Vikianbarda əlaqəli mediafayllar

Bidzina Qriqoryeviç İvanişvili (gürc. ბიძინა ივანიშვილი; 18 fevral 1956, Çorvila^[d], İmereti) — Gürcüstan siyasi və dövlət xadimi, 25 oktyabr 2012-ci ildən 20 noyabr 2013-cü ilədək Gürcüstan Respublikasının Baş Naziri.

Həyatı

İvanişvili 1956-cı ildə Gürcüstanın Saçxer rayonunun Çorvila kəndində anadan olub. Gürcüstan Dövlət Universitetinin mühəndis-iqtisadiyyat fakültəsini bitirib. Moskvada aspirantura təhsili alıb. Gürcüstanın "Kartu" bankının sahibidir. 2012-ci ilə qədər Rusiyada bank və apteklər şəbəkəsinin sahibi olub. "Unikor" qrupunun sahibi, iqtisad elmləri namizədi.

2011-ci ildən siyasətlə məşğuldur. Gürcüstanda 1 oktyabr 2012-ci il parlament seçkilərində onun rəhbərlik etdiyi Gürcüstan arzusu-Demokratik Gürcüstan seçki bloku deputat yerlərinin yarıdan çoxunu qazana bildi.

Həm Rusiya, həm də Fransa vətəndaşlığı olan İvanişvilini "Forbes" jurnalı 2012-ci ildə Gürcüstanın ən varlı adamı elan edib. Üç oğlu və bir qızı var. Həyat yoldaşı və uşaqları Fransa vətəndaşlarıdır.

Gürcüstan baş naziri ola bilmək üçün, İvanişvili 2012-ci ilin oktyabr ayında Rusiya və Fransa vətəndaşlığından çıxdı və təkrar Gürcüstan vətəndaşlığı verildi.