Bakı–Tbilisi dəmiryol xətti — Bakı ilə Tbilisi arasında 1881-ci ildə salınmışdır. Bu dəmiryol xətti həm yük, həm də sərnişin qatarları üçün istifadə edilir.

İki dənizi – Xəzəri və Qara dənizi birləşdirən Bakı–Tiflis dəmiryol xətti açıldıqdan sonra Bakı neft sənayesinin məhsullarını mərkəzi Rusiya və dünya bazarlarına kütləvi surətdə çıxarmaq mümkün oldu. Azərbaycanın iqtisadi həyatının yeni meyillərini diqqətlə izləyən görkəmli maarifçi-demokrat Həsən bər Zərdabi Bakı–Tiflis dəmiryol xəttinin çəkilməsini Azərbaycanın iqtisadiyyatına neft sənayesindən sonra güclü təsir göstərən ikinci ən mühüm amil hesab edirdi.

XIX əsrin axırlarına yaxın Zaqafqaziya dəmiryol infrastrukturunun ümumi axınında Bakı–Tbilisi xəttinin payı 98% təşkil edirdi. Xətdə ən intesiv iş Bakı stansiyasında görülürdü. Təkcə 1890-cı ildə buradan qərb istiqamətində 55,2 milyon pud yük daşınmışdı, Bakı–Tiflis xəttinin yerdə qalan stansiyalarından isə cəmi 20,86 milyon pud yük yola salınmışdı.

Gürcüstan və Azərbaycan paytaxtları arasında sərnişin qatarlarının hərəkəti koronavirus pandemiyası səbəbindən 2020-ci ilin martın 14-dən dayandırılıb.

• Bakı–Tbilisi–Qars dəmiryol xətti
• “Azərbaycan Dəmir Yolları” Qapalı Səhmdar Cəmiyyəti