Azər Məhərrəmov — Azərbaycanlı idmançı, Armrestlinq üzrə usta idmançı. Azərbaycan Respublikasının Milli qəhrəmanı Asif Məhərrəmovun oğlu.

İdmançı 16 yanvar 1977-ci ildə Ağdamda anadan olub. Ağdamın Rusiya silahlı qüvvələrinin dəstəyi ilə Ermənistan silahlı qüvvələri tərəfindən işğalından sonra Bakı şəhərinə köçur. Sonradan Rusiya Federasiyasına gedir.

Azər Məhərrəmov uşaqlıda Konq-fu ilə məşğul olub, Ancaq 1997-ci ildə Armrestlinq idman növünə marağı yaranır və bu idman növu ilə məşğul olmağa başlayır. Bir neçə dəfə Azərbaycan çempionu olur.

2008-ci ildə Norveçin Sarpborg şəhərində təşkil edilmiş və Avropanın ən güclu idmançılarının toplandığı "European Armwrestling Championships 2008" yarışında böyuklər arasında 100+ kq çəki dərəcəsində sol qol ilə yarışlarda 16-cı, sağ qol ilə yarışlarda isə 9-cuyeri tutur.

2010-cu ildə Rusiyada təşkil edilmiş "European Armwrestling Championships 2010" turnirində öz hesabına Azərbaycanı təmsil edir. Turnirdə böyuklər arasında 90 kq çəki dərəcəsində sol qol ilə yarışlarda 10-cu, sağ qol ilə yarışlarda isə 12-ci yeri tutur.

Bir müddət yarışlara qatılmayan Azər Məhərrəmov, 2017-ci ildə Polşada təşkil edilmiş "XXVII EUROPEAN ARMWRESTLING CHAMPIONSHIP" turnirinə qatılır. Böyuklər arasında 110 kq çəki dərəcəsində sağ qol ilə 11-ci, ustalar arasında 100+ kq çəki dərəcəsində isə 5-ci yeri tutur.

2018-ci ildə Bolqarıstanın paytaxtı Sofiya şəhərində keçirilmiş "XXVIII EUROPEAN ARMWRESTLING CHAMPIONSHIP" turnirində, 100 kq çəki dərəcəsində sağ qol ilə ustalar arasında ikinci yeri tutur. Eyni ilin noyabr ayında Türkiyədə təşkil edilmiş "40TH WORLD ARMWRESTLING" turnirində ustalar arasında 100+ kq çəki dərəcəsində sağ qol ilə 5-ci yeri tutur.

Gücunu və bacarıqlarını hər il dahada artıran Azər Məhərrəmov, 2019-cu ilin dekabr ayında Polşada təşkil edilmiş "1ST IFA WORLD ARMWRESTLING CHAMPIONSHIPS" turnirində ustalar arasında sağ qol ilə 100+ kq çəki dərəcəsində çempion olur. Böyuklər arasında sağ qol ilə 105+ kq çəki dərəcəsində isə 2-ci yeri tutaraq gümuş mükafat alır.

2022-ci ilin iyun ayında "EURO ARMWRESTLING CHAMPIONSHIP" turnirində, 105+ kq çəki dərəcəsində sağ qol ilə böyuklər arasında yarışda ikinci yeri, ustalar arasında isə birinci yeri tutur.

2022-ci ilin oktyabr ayında Fransada keçirilmiş "IFA WORLD ARMWRESTLING CHAMPIONSHIPS" yarışında, sağ qol ilə yarışlarda 105+ kq çəki dərəcəsində çempion olur. Eyni turnirdə böyuklər arasında 105+ kq çəki dərəcəsində isə ikinci yeri tutur.

25 dekabr 2025-ci ildə Azərbaycan Prezidenti İlham Əliyevin Sərəncamı ilə Azərbaycanda idmanın inkişafında xidmətlərinə görə “Tərəqqi” medalı ilə təltif olunub.