Avaxıl — Azərbaycan Respublikasının Dağlıq Şirvan iqtisadi rayonunun Şamaxı rayonunun Avaxıl kənd inzibati ərazi dairəsində kənd, Avaxıl kənd inzibati ərazi dai

Kənddə XIX əsrə aid məscid binası və hələ tam öyrənilməmiş qədim qəbristanlıqlar, o cümlədən Ömər Soltan Xəlvəti Avaxıli, Əhməd Rəvanı, qəbristanlıqları və Pir Qulu, Murad piri, Feyzulla piri, Alçalı pir, Pir Hüseyn, Pir Hacı, Dünya nənə və b. ziyarətgahlar mövcuddur. Ümumiyyətlə kənd ərazisinin bəzi yerlərindən saxsı qırıqları, saxsı kəhrizlərə və başqa maraq doğuran tapıntılara rast gəlinsə də heç zaman tarixi-arxeoloji tədqiqatlar aparılmamışdır.

Kənd dəniz səviyyəsindən 1.386 metr hündürlükdə, rayonun inzibati mərkəzi Şamaxı şəhərindən 29 km uzaqlıqda yerləşir. Kənd Qabandağ silsiləsinin ətəyində Yekəqurşaqlı və Hallacı aşırımlarının arasında yerləşir. Ərazisində onlarla şirin su mənbələri , gözəl səfalı bulaqlar, o cümlədən müalicəvi əhəmiyyətli "İlisu" suyu vardır. Şamaxı rayonunun ən böyük şirin su mənbələrindən olan Qırxbulaq, Qoşabulaq, Kamil bulağı, Buzbulaq, Şıxbulağı, Nehrə bulağı, Şaqqulu bulaq, Əzgilli bulaq, Avaxıl bulağı, Böyük bulaq, İlisu, Kötüklü, Şirəli bulaq,Cəfər bulağı, Qaraçöhrə bulağı,Sərçə bulağı və bundan savayı onlarla şirin su mənbələri mövcuddur.

Avaxıl ərazisində maraq doğuran və güman ki təhrif olunaraq dəyişilmiş toponimlər - Mecbil, Aşağı yer, Çərşümə, Süpbiçən, Siyadahar, Kəlaxar, Araxçın, Gorxana, kimi ərazilər qədim yaşayış izləri olan məskənlər kimi tanınır.

Kənd Avaxıl kənd inzibati-ərazi dairəsinə daxildir. Ev sahiblərinin sayı 85, Kənd əhalisi 430 nəfərdir ki, onunda 211 nəfəri kişi, 219 nəfəri isə qadınlar təşkil edir. Avaxıl kəndinin əhalisi azərbaycanlılardan ibarətdir.

Keçmiş 3 ildə kəndə 5.000 turist gəlmişdir. Kəndə 24 saat elektrik enerjisi verilir. Kənd ərazisində "QOŞABULAQ" ,"Fortuna" ,"Qızıldaş", "Dağlar qoynunda" və başqa bir çox istirahət mərkəzləri mövcuddur.

• 
  Ümumi görünüşü
• 
  Məktəb
• 
  Avaxıl bələdiyyəsi
• 
  "Dağlar qoynunda" Ailəvi İstirahət Mərkəzi

• Buta (film, 2011)