Asim Xəlil oğlu Xudiyev — azərbaycanlı hakim-inspektor, Neftçi PFK-nun sabiq futbolçusu və keçmiş FIFA referisi, UEFA müfəttişi, Futbolun İnkişaf Fondunun Himay

Futbolla orta məktəb №100-də məşğul olmağa başladı. 4-cü sinifdən etibarən maarif şöbəsinin nəzdindəki futbol məktəbində - rəhbər Ələkbər Məmmədov.

1973-cü ildə "Neftçi"nin dublyorlar heyətinə namizəd idi, komandaya qəbul edildi.

1976-cı ildə ikinci liqa komandası "Avtomobilist" Bakının heyətində oynadı.

1977-1984-cü illərdə "Neftçi"nin heyətində ali liqada 180 oyun keçirdi. İkinci liqa komandalarında - "Dinamo" Kirovabad (1985-1986), "Vosxod" Sumqayıt (1987), "Göyəzən" Qazax (1991) çıxış edib.

1989-cu ildə üç ay "Neftçi"də baş məşqçi Ağasəlim Mircavadovun köməkçisi kimi işlədi.

1989-cu ilin sonundan hakim kimi işləməyə başladı, 1993-cü ilin sonundan respublika kateqoriyalı hakimdir.

1995-ci ildən beynəlxalq oyunlarda çalışırdı.

2002-ci ildə hakimlik karyerasını başa vurdu.

2004-cü ildən UEFA hakim-inspektorudur.

Qadın futbol yığmasına rəhbərlik edib (2003-2007), qadın yığmasının müvəqqəti səlahiyyətlərini icra edən prezidenti (noyabr 2007 - yanvar 2010).

Futbol üzrə Azərbaycan çempionatının yüksək liqa qarşılaşmalarında 212 dəfə baş hakim olmuşdur.

25 dekabr 2025-ci ildə — Azərbaycan Prezidenti İlham Əliyevin Sərəncamı ilə Azərbaycanda idmanın inkişafında uzunmüddətli səmərəli fəaliyyətinə görə Azərbaycan Respublikası Prezidentinin fərdi təqaüdünə layiq görülüb.