Arnavutköy (türk. Arnavutköy) — İstanbul ilinin ilçəsi. İstanbulun qərbində, Avropa hissəsində yerləşir. Qara dəniz sahilinə yaxındır.

Şəhərin qurulmasının dəqiq vaxtı məlum deyil, lakin mənbələr və xəritələr artıq 1850-ci illərdə şəhərin yerləşdiyi ərazi üçün Arnavutköy adını istifadə edirlər. Şəhərin adı arnautlardan gəlir və "Arnaut kəndi" deməkdir, baxmayaraq ki, onlarla əlaqələri çox zəifdir, demək olar ki, heç yoxdur. 1922-ci ilə qədər bu ərazidə yunanlar məskunlaşmışdı, lakin yunanların mübadiləsi nəticəsində onları köçürmüş, onların evlərinə isə Yunanıstandan köçürülmüş türklər yerləşdirilmişdi. Hər bir evin fərdi adı var idi. Qəsəbədə məktəb, mağaza və kafe var idi. Arnavutköy İstanbuldan Avropaya gedən əsas quru yol üzərində yerləşirdi və sərnişinlər vaxtaşırı burada nəqliyyatın olmaması, yaxud yol hərəkət üçün bağlı olduqda dayanmalı olurdular.

1951-ci ildə 350 yeni ev tikilmiş və qəsəbə regional mərkəzə çevrilməyə başlamışdır. Şəhərin əhalisinin artımı Anadolunun kənd əhalisinin şəhərlərə miqrasiyası ilə əhəmiyyətli dərəcədə sürətlənib və 22 mart 2008-ci ildə Arnavutköy rəsmi olaraq İstanbulun rayonlarından birinə çevrilmişdir.

• Həsən Kayım Anavətən Partiyası 1987-1989
• Bəxtiyar Sağlam Rəfah Partiyası 1989-1999
• Bayram Əminəl Demokratik Sol Partiyası 1999-2004
• Əhməd Haşim Baltacı Ədalət və İnkişaf Partiyası 2004-günümüz