Afət İlqaz, (tam adıː Afet Muhteremoğlu Ilgaz; 2 yanvar 1937, Çanaqqala - 16 yanvar 2015, İstanbul) — Türk yazıçısı.

Afət Muhteremoğlu İlqaz 1937-ci il 2 yanvar tarixində Zəkəriya və Ayşe Muhteremoğlunun ailəsində Çanaqqalada anadan olub. Atasının işi ilə əlaqədar 5 yaşına qədər Qars, İğdır və Ankarada yaşamışdır. Afət İlqaz 5 yaşı olanda ailəsi ilə birlikdə İstanbula köçüb və bütün təhsilini orada başa vurub. Çapa Müəllim Liseyini bitirdikdən sonra Çapa Təhsil İnstitutunun Türk dili və ədəbiyyatı fakültəsini bitirib. O, həmçinin İstanbul Universitetinin Fəlsəfə və Klassik Dillər bölməsində təhsil alıb. Bir müddət müəllim işləyib.

İlk evliliyindən iki oğlu (Haluk Özgür Çırakman, Uğur Çırakman) var. Daha sonra Rıfat İlqaz ilə ailə həyatı qurub və bu evlilikdən bir qızı (Defne İlqaz) dünyaya gəlib. İlk əsərləri 1954-cü ildə “Dünya” qəzetində dərc olunub. İstanbul, Yücel, Varlık, Yeditəpə, Türk Dili və bir çox başqa qəzet və jurnallarda hekayə və məqalələri dərc olunub.

Annem Annem ve Toprak İnsanları televiziya filmi olaraq TRT-də yayınlanmışdır.

Müəllimlik fəaliyyətinə bir qədər fasilə verib İtaliyaya getmiş Afət Muhteremoğlu İlqaz Türkiyəyə qayıtdıqdan sonra məktəb açdırmışdı. 1962-ci ildə İtaliya xatirələrindən ibarət "İtaliya məktubları" əsərini oxuculara təqdim etmişdir.

16 yanvar 2015-ci il tarixində İstanbulda vəfat edib və Yedikule qəbiristanlığında dəfn edilib.

• Eşiktekiler (1960)
• İtalyan Mektupları (1962)
• Ahmet Beylerin Bedriye (1963)
• Başörtülüler (1964)
• Toprak İnsanları (1968)
• Annem Annem (1972)
• Halk Hikâyeleri (1972)
• Çeribaşı Abdullah'la İdamlık İsmail (1974)
• Değişen Sevgiler (1976)
• Aşamalar (1977)
• Çocuklar da Savaştı (1979)
• Ölü Bir Kadın Yazar (1983)
• Sendika (1987)
• Garip Bir Dünya (1987)
• Yaz Göçebeleri (1991)
• Karadaylak (1991)
• Filiz Büyüyor (1991)
• Yol (1993)
• Menekşelendi Sular (1997)
• Ermiş (2000)
• İbnü'l-Vakt (2000)
• Kazdağı Öyküleri (2000)
• Ateş Denizinde Yol Alan Gemi (2001)
• İkindi Güneşi (2003)
• Vahiy Sürecinde Kadın (2004)
• Statükocu Dana (2005)
• Yarım Kalan "Devrim" (2009)
• 11 Zabit 11 Subay (2009)
• Sorgu ve Derviş (2010)

• 1960, Törehan, İncəsənət mükafatı (Eşiktekiler);
• 1965, Türk Dil Kurumu, Hekayə mükafatı (Başörtülüler);
• 1993, Türkiyə Yazıçılar Birliyi, İlin Romanı və Roman yazıçısı mükafatı (Yol).