Azərbaycanca (AZ)
English (US)
Қазақша (KZ)
Lietuva (LT)
Türkçe (TR)
O'zbekcha (UZ)
Şəybəy — Azərbaycan Respublikasının Cəbrayıl rayonunun Quycaq kənd inzibati ərazi dairəsində kənd. Kənd Cəbrayıl şəhərindən 14 km şərqdə, Araz çayının sol qolu olan Çaylaq çayının sol sahilində yerləşir.
| Şəybəy | |
|---|---|
| 39°23′35″ şm. e. 47°11′34″ ş. u.HGYO | |
| Ölkə |  Azərbaycan |
| Rayon | Cəbrayıl rayonu |
| Tarixi və coğrafiyası | |
| Mərkəzin hündürlüyü | 275 m |
| Saat qurşağı |
|
  Şəybəy | |
Toponimikası
"Azərbaycan Toponimlərinin Ensiklopedik Lüğəti"nə görə, kəndin ilkin adı Şəfibəyli idi (yerli bir rəvayətə görə, kənd İran Azərbaycanın sakini olan Şəfi bəy tərəfindən qurulmuşdur). Sonradan kənd Şəfi bəyin oğlu Şəybəydən şərəfinə Şəybəy adlandırılmışdır.
Tarixi
Yerli rəvayətə görə, kənd İran Azərbaycanın sakini olan Şəfi bəy tərəfindən qurulmuşdur.
Rusiya İmperiyası dövründə Şəfi-bəyli kəndi Yelizavetpol quberniyasının Cəbrayıl qəzasına daxil idi.
Sovet dövründə kənd Azərbaycan SSR-in Cəbrayıl rayonunun tərkibində idi. Birinci Qarabağ müharibəsində kənd Ermənistan qüvvələri tərəfindən işğal edilmiş və məhv edilmişdir.
3 oktyabr axşamı, Azərbaycan Prezidenti İlham Əliyev Azərbaycan Ordusunun Tərtər rayonunun Talış, Cəbrayıl rayonunun Mehdiili, Çaxırlı, Aşağı Maralyan, Şəybəy, Quycaq və Füzuli rayonunun Aşağı Əbdürrəhmanlı kəndlərini azad etdiyini açıqladı.Azərbaycan Müdafiə Nazirliyi bu kəndlərin Azərbaycan Silahlı Qüvvələri tərəfindən azad edilməsini rəsmi olaraq təsdiqlədi.
BBC daha sonra bildirdi ki, peyk görüntülərinə əsasən, Azərbaycanın cənubda azad etdiyini bildirdiyi bütün kəndlər xarabalığa çevrilib və 1990-cı illərin əvvəllərində ermənilərin hücumlarından qaçan Azərbaycan əhalisi tərəfindən tamamilə və ya demək olar ki, tamamilə tərk edilib. Hazırda bu kəndlərdə yaşayış yoxdur.
7 oktyabr 2020-ci il tarixində, Azərbaycan Müdafiə Nazirliyi Şəybəy kəndinin Azərbaycanın nəzarətində olduğunu göstərən görüntüləri yayımladı.
Əhalisi
"1886-cı il ailə siyahılarından çıxarılmış Zaqafqaziya bölgəsi əhalisinin statistik məlumatları toplusu"na əsasən, Cəbrayıl qəzasının Quycaq kənd dairəsinin Şəfi-bəyli kəndində 26 ev var idi və burada 127 azərbaycanlı (mənbədə "tatar" kimi göstərilmiş) kəndli yaşayırdı.
1912-ci il Qafqaz Təqviminə görə, Karyagin qəzasının Şəfi-bəyli kəndində 192 nəfər yaşayırdı, onların əksəriyyəti azərbaycanlılar idi və təqvimdə "tatar" kimi göstərilmişdir.
Həmçinin bax
vikipedia, viki, ensiklopediya, kitab, məqalə, oxumaq, pulsuz yüklə, Şəybəy haqqında məlumat. Şəybəy nədir? Şəybəy nə deməkdir?