İqbal xanım (ərəb. اقبال هانم‎; 22 oktyabr 1876 – 10 fevral 1941, Qüds) — III Misir xidivi II Abbas Hilmi Paşanın xanımı, Misir şahzadəsi.

İqbal xanım
İqbal xanım
Misir xidivinin xanımı
	19 fevral 1895 – 28 fevral 1910
Şəxsi məlumatlar
Doğum tarixi	22 oktyabr 1876
Vəfat tarixi	10 fevral 1941 (64 yaşında)
Vəfat yeri	Qüds, Britaniya Fələstini, Britaniya imperiyası;
Həyat yoldaşı	II Abbas (1895–1910);
Uşağı	Məhəmməd Əbdül Moneim;
Ailəsi	Kavalalı ailəsi
	Vikianbarda əlaqəli mediafayllar

İqbal xanım (ərəb. اقبال هانم‎; 22 oktyabr 1876 – 10 fevral 1941, Qüds) — III Misir xidivi II Abbas Hilmi Paşanın xanımı, Misir şahzadəsi.

Əslən çərkəz olub, 22 oktyabr 1876-cı ildə dünyaya gəldi. Dövrün xidivəsi Əminə İlhaminin cariyələrindən biri idi. Bir müddət sonra vəliəhd Abbas Hilminin xidmətinə verildi. 1892-ci ildə Kavalalı Tofiq Paşa vəfat etdi və taxta çıxan II Abbas Hilmi Paşa üçün bir xanım axtarışına başlandı. Ancaq danışıqlar davam edərkən xidiv artıq İqbal xanımla münasibətə başlamış, hətta lk övladı Əminə dünyaya gəlmişdi. Qızının doğumundan bir həftə sonra 19 fevral 1895-ci ildə xidivlə rəsmi şəkildə evləndi. Cütlüyün ümumilikdə 6 övladı dünyaya gəldi.

Əminə Hilmi (12 fevral 1895–1954) — evlənmədi və övladı olmadı.
Atiyətullah Hilmi (9 iyun 1896–1971) — ilk evliliyi Mehmed Fərid Paşanın oğlu Cəlaləddin Paşayla (1885–1930), ikinci evliliyi isə Mehmed Kamil Paşanın oğlu Əhməd Şövkət bəylə başa tutmuşdur. İlk evliliyindən 2 oğlu dünyaya gəlib.
Fəthiyə Hilmi (27 noyabr 1897 – 30 noyabr 1923) — Hami bəylə evlənmiş, övladı olmamışdır.
Məhəmməd Əbdül Moneim (20 fevral 1899 – 1 dekabr 1979)
Lütfiyə Şövkət Hilmi (29 sentyabr 1900–1975) — Əhməd Muxtar Paşanın oğlu Mahmud Muxtar Paşayla Kavalalı İsmayıl Paşanın qızı Nemətullah xanımın oğlu Ömər Muxtar Qatırçıoğluyla evlənmişdir.
- Əminə Nəşədil (1927-)
- Zəhra Qədriyyə (12 mart 1929 - 15 may 2012)
Məhəmməd Əbdülqadir (4 fevral 1902 – 21 aprel 1919)

15 may 1905-ci ildə həyat yoldaşı II Abbas Hilmi Paşayla İstanbula rəsmi ziyarət etdi. 1910-cu ildə xidivdən rəsmən boşansa da, sarayda yaamağa və protokol üzrə yaşamına davam etdi. Buna səbəb isə xidivin macar əsilli bir xanımla nikahlanma istəyi oldu. 1914-cü ildə xidiv II Abbas Hilmi Paşa taxtdan endirilərək sürgün olundu. Sürgündə əriylə getmədi və övladlarıyla birlikdə İstanbula köçdü.

Misirdə qalan mülklərini geri ala bilmək üçün 1923–1924-cü illərdə məhkəməyə müraciət etdi. Qazandığı məbləğlə Türkiyənin fərqli yerlərində mülklər aldı. 1940-cı ildə Beyruta köçdü və ertəsi il vəfat etdi.